მიხეილ არეშევი

დაბადების ადგილი: ქ. ტფილისი.

განათლება მიიღო ტფილისის კადეტთა კორპუსში, ტფილისის იუნკერთა ქვეით სასწავლებელში (მე-2 თანრიგით) და ოფიცერთა მსროლელ სკოლაში.

სამხედრო სამსახურში შევიდა 1894 წელს. მსახურობდა აზოვის 45-ე ქვეით პოლკში; 1900-1908წწ. მსახურობდა ქართველ გრენადერთა მე-14 პოლკში; მონაწილეობდა 1904-1905წწ. რუსეთ-იაპონიის ომში; 1908-1913წწ. მეთაურობდა 63-ე სარეზერვო ქვეითი ბრიგადის, მაიკოპის 249-ე სარეზერვო ბატალიონს; 1913-1916წწ. მსახურობდა კავკასიის მე-3 მსროლელ პოლკში; მონაწილეობდა 1914-1918წწ. პირველ მსოფლიო ომში, მეთაურობდა იმავე პოლკის ბატალიონს; 1916-1917წწ. მეთაურობდა კავკასიის მე-3 მსროლელ პოლკს; 1916 წლის 17 აპრილს მიენიჭა პოლკოვნიკის სამხედრო წოდება; 1917 წელს, რუსეთის დროებითი მთავრობის მიერ დაინიშნა კავკასიის 1-ი მსროლელი დივიზიის მეთაურად; 1917-1918წწ. მეთაურობდა სომხური კორპუსის 1-ლ დივიზიას; 1918 წლიდან მსახურობდა სომხეთის რესპუბლიკის ჯარში; მონაწილეობდა თურქების წინააღმდეგ წარმოებულ ყველა ბრძოლებში; 1919 წელს გაიგზავნა პარიზში, სამშვიდობო კონფერენციაზე, სომხეთის დელეგაციის სამხედრო მრჩევლად. შემდგომი ბედი უცნობია. საბრძოლო დამსახურებისათვის და სამსახურში წარჩინებისათვის დაჯილდოებული  ორდენებით. გენერალ-მაიორი (1917).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.27-28

• 1915 - წმინდა გიორგის იარაღი
• 1915 - წმინდა გიორგის IV ხარისხის ორდენი
• 1909 - წმინდა სტანისლავის II ხარისხის ორდენი
• 1905 - წმინდა ვლადიმირის IV ხარისხის ორდენი (მახვილებით და ბაფთით)
• 1905 - წმინდა ანას III ხარისხის ორდენი (მახვილებით და ბაფთით)
• 1905 - წმინდა ანას IV ხარისხის ორდენი