ივანე ჭიჭინაძე

დაბადების ადგილი: ქ. თბილისი.

დაამთავრა ამიერკავკასიის ინდუსტირული ინსტიტუტის სამშენებლო ფაკულტეტი ინჟინერ-ჰიდროტექნიკოსის სპეციალობით 1936 წელს.

1936-1937 წლებში მუშაობდა "ხრამჰესის" მშენებლობაზე; 1938-1941წწ. საპროექტო ინსტიტუტი "თბილქალაქპროექტი", ინჟინერ-დამპროექტებელი, ბულაჩაურის წყალსადენის მთავარი ინჟინერ-დამპროექტებელი; 1941 წელს გაიწვიეს ჯარში,  ჯერ მუშაობდა სამხედრო აეროდრომების მშენებლობაზე, შემდეგ გააგზავნეს ქ. კუიბიშევში სამხედრო საინჟინრო აკადემიის კურსებზე, რომლის დამთავრებისთანავე მოქმედ არმიაში კალინინის ფრონტზე იბრძოდა; 1943 წელს ბრძოლაში მძიმედ დაიჭრა და რამდენიმე ქირურგიული ოპერაციის შემდეგ დემობილიზებული იქნა; 1943-1947 წლებში მუშაობდა საქართველოს წყალთა მეურნეობის სამინისტროს სისტემაში: ქ. თელავის წყალთა სასისტემო სამმართველოს უფროსად,  სამინისტროს საწარმო განყოფილების უფროსად, "წყალპროექტის" მთავარ ინჟინრად; 1947-1951წწ. საქართველოს ჰიდროტექნიკისა და მელიორაციის სამეცნიერო-კვლევითი ინსტიტუტის მეცნიერ-მუშაკად; 1951-1981წწ. იყო "საქსახწყალპროექტის"მთავარი ინჟინერი. გამოქვეყნებული აქვს 20-მდე სამეცნიერო ნაშრომი. სხვადასხვა დროს დაჯილდოებული იყო საქართველოს უმაღლესი საბჭოს სიგელით, მედლებითა და ორდენით. ტექნიკის მეცნიერებათა კანდიდატი. ექიმ მარინე ჭიჭინაძის მამა.

სადისერტაციო თემა - "დაწვიმების სტაციონალური სისტემის პროექტირების საკითხები მთიანი რელიეფის პირობებში".

წყარო: ჩვენი რაჭა / ირაკლი დვალი.-თბ.,2008.-გვ.370-371

• საქართველოს დამსახურებული მელიორატორი
• საპატიო ნიშნის ორდენი