კესარია დანელია

დაბადების ადგილი: ქ. თბილისი.

დაამთავრა საქართველოს სახელმწიფო ფიზიკური კულტურის ინსტიტუტი 1983 წელს; პარალელურად დამთავრებული აქვს სპორტული ჟურნალისტიკის განყოფილება-სამკურნალო ფიზკულტურა; საქართველოს კპ ცკ-ს მარქსიზმ-ლენინიზმის უნივერსიტეტის ფილოსოფიის ფაკულტეტი 1986 წელს; ქალაქ ტარტუს სახელმწიფო უნივერსიტეტის ფაკულტეტის საექიმო საქმე 1994 წელს.

თბილისის პირველი მედსანნაწილის მეთოდისტი (1980); ამ პერიოდში დაბეჭდა 6 პოპულარული სამედიცინო სტატია (გაზეთი "კომუნიზმისკენ"); მისი სამეცნიერო ნაშრომი სპორტულ მედიცინაში წაკითხულ იქნა პირველ საერთაშორისო კონფერენციაზე ქ. ტალინში (1983, გამოქვეყნდა კონფერენციის თეზისებში); 1985-1988წწ. მე-4 მთავარი სამმართველოს საავადმყოფო-პოლიკლინიკის სამკურნალო ფიზკულტურის ექიმი-მეთოდისტი; ამავე სამმართველოს კომკავშირის კომიტეტის მდივანი; 1994-2005წწ. თბილისის მე-5 საავადმყოფო-პოლიკლინიკური გაერთიანების ექიმი-კარდიოლოგი; 2005-2007წწ. მე-5 საავადმყოფო-პოლიკლინიკური გაერთიანების გენერალური დირექტორის მოადგილე სამკურნალო დარგში; 2007 წლიდან ამავე კლინიკის გენერალური დირექტორი; გავლილი აქვს "ჯანდაცვის მოსამსახურის მენეჯმენტის სრული კურსი". სპორტის ოსტატი სპორტულ ტანვარჯიშში, პირველი კატეგორიის მსაჯი, 1980 წლის მოსკოვის ოლიმპიადის გახსნის მონაწილე, რისთვისაც დაჯილდოებულია დიპლომით. თერაპევტი, კარდიოლოგი, ჯანდაცვის ორგანიზატორი.

წყარო: საქართველოს სამედიცივნო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010 გვ.912-913

• ესტონეთის ქართველთა დიასპორის ორგანიზაცია, წევრი
• საქართველო-ისრაელის ექიმთა სიმპოზიუმი, მუდმივი წევრი
• საქართველოს ჰოსპიტალთა ასოციაციის დირექტორთა საბჭო, დამფუძნებელი და წევრი