ადამ ყორღანოვი

დაბადების ადგილი: ქ. ტფილისი.

დაამთავრა კადეტთა მე-2 კორპუსი და პავლოვსკის 1-ი სამხედრო სასწავლებელი.

სამხედრო სამსახურში შევიდა 1863 წელს. მსახურობდა კავკასიის სასწავლო ასეულში, კავალერიის სასწავლო ესკადრონში. მეთაურობდა ესკადრონს და დივიზიონს. მონაწილეობდა 1877-1878წწ. რუსეთ-ოსმალეთის ომში და რუსეთის არმიის შუა აზიის ლაშქრობის ახალ-თეკეს ექსპედიციაში. იმყოფებოდა კასპიისპირა ოლქის ჯარების სარდალთან. 1889 წელს მიენიჭა პოლკოვნიკის სამხედრო წოდება. 1889-1891წწ. მსახურობდა კავალერიის საკადრო რეზერვის უფროსად. 1891-1899წწ. მეთაურობდა ასტრახანის დრაგუნთა 22-ე პოლკს. 1899-1904წწ. მეთაურობდა კავალერიის მე-3 დივიზიის 1-ლ ბრიგადას. 1904-1905წწ. მეთაურობდა კავალერიის მე-11 დივიზიას. 1905 წელს მიენიჭა გენერალ-მაიორის სამხედრო წოდება. 1905-1908წწ. მსახურობდა კავალერიის მე-9 დივიზიის უფროსად. 1908 წელს მიენიჭა გენერალ-ლეიტენანტის სამხედრო წოდება. 1908-1913წწ. სარდლობდა კიევის სამხედრო ოლქის XII საარმიო კორპუსს. 1913 წელს გადადგა სამხედრო სამსახურიდან წლოვანების გამო, მუნდირით და პენსიით. საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებით. კავალერიის გენერალი (1911). გენერალ სოლომონ ყორღანოვის შვილი.

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.94

• 1913 - წმინდა ვლადიმირის II ხარისხის ორდენი
• 1909 - წმინდა ანა I ხარისხის ორდენი
• 1902 - წმინდა სტანისლავის I ხარისხის ორდენი
• 1895 - წმინდა ვლადიმირის III ხარისხის ორდენი
• 1883 - წმინდა ანას II ხარისხის ორდენი
• 1880 - წმინდა ვლადიმირის IV ხარისხის ორდენი (მახვილებით და ბაფთით)
• 1878 - წმინდა სტანისლავის II ხარისხის ორდენი
• 1872 - წმინდა ანას III ხარისხის ორდენი
• 1870 - წმინდა სტანისლავის III ხარისხის ორდენი