ჩაფიძე ემილ

დაბადების ადგილი: ქ. ზესტაფონი.

დაამთავრა თბილისის სახელმწიფო მუზეუმის აგრონომიული ფაკულტეტი.

1938-1941წწ. მუშაობდა საქართველოს სასოფლო სამეურნეო ინსტიტუტში და პარალელურად, თბილისის შამპანური ღვინის ქარხანაში წამყვან ინჟინერ-ტექნოლოგად, ტექნიკურ დირექტორად; 1941-1945წწ. მონაწილებდა დიდ სამამულო ომში; დემობილიზაციის შემდეგ გაგზავნილი იქნა კრასნოდარის მხარეში მევენახეობა-მეღვინეობის აღდგენის მიზნით, 1945-1952წწ. იყო აბრაუ-დიურსოს მევენახეობა-მეღვინეობის კომბინატის დირექტორი, დაუღალავი შრომით მოკლე დროში აღადგინა მეურნეობა და ხელმძღვანელობის მაღალი შეფასება დაიმსახურა; 1952 წელს ბრუნდება სამუშაოდ თბილისში და გარდაცვალებამდე მუშაობს "სამტრესტის" სისტემაში სხვადასხვა თანამდებობებზე, 1961 წელს "სამტრესტის" მმართველად და 1966 წლამდე მმართველის პირველ მოადგილედ.  სწავლობდა შამპანური ღვინო მასალებისთვის გამოსადეგ ქართულ ვაზის ჯიშებს; მისი ხელმძღვანელობით და უშუალო მონაწილეობით აშენდა თბილისის შამპანური ღვინოების ქარხანა; 1939 წელს რეზერვუარული პერიოდული მეთოდით გამოშვებულ იქნა პირველი ქართული შამპანური; დაინერგა ქუთაისის, მუხრანის და თბილისის ქარხნებში ბოთლური მეთოდით ღვინის შამპანიზაცია. იყო რაციონალიზატორი და გამომგონებელი, საკავშირო სადეგუსტაციო კომისიის მუდმივი წევრი. მიღებული ჰქონდა მთავრობის ჯილდოები. ექიმ გულნარა (გულიკო) ჩაფიძის მამა.

წყარო: გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები/ ალექსანდრე ქურდაძე.-თბ.,1999. - გვ.34-35

• საქართველოს დამსახურებული მეღვინე