პეტრე გელბახიანი

დაბადების ადგილი: სოფელი ბუნიკაური, ჭიათურის რაიონი.

დაამთავრა თბილისის სახელმწიფო სამედიცინო ინსტიტუტის წამალთმცოდნეობის ფაკულტეტი 1936 წელს.

ამავე ფაკულტეტის რთული სამკურნალო (გალენის) პრეპარატების ლაბორატორიის უფროსი ლაბორანტი; 1936-1942წწ. პარალელურად მუშაობდა უმცროს მეცნიერ-თანამშრომლად ფარმაკო-ქიმიის სამეცნიერო-კვლევით ინსტიტუტში; 1942-1952წწ. საქართველოს რესპუბლიკის მთავარი სააფთიაქო სამმართველოს უფროსი; იმავდროულად თბილისის სახელმწიფო სამედიცინო ინსტიტუტის ფარმაცევტულ ფაკულტეტზე კითხულობდა ფარმაცევტული საქმის ისტორიასა და ორგანიზაციას; 1947-1959წწ. თბილისის სახელმწიფო სამედიცინო ინსტიტუტის ფარმაციის ფაკულტეტის წამალთა ტექნოლოგიის კათედრის გამგე; 1952-1972წწ. თბილისის სახელმწიფო სამედიცინო ინსტიტუტის რექტორი; მისი თაოსნობით აშენდა თბილისის სახელმწიფო სამედიცინო ინსტიტუტის სასწავლო II და შვიდსართულიანი შემაერთებელი კორპუსები. იგი 70-ზე მეტი სამეცნიერო ნაშრომების ავტორია, მათ შორის 2 მონოგრაფისა. მედიცინის მეცნიერებათა კანდიდატი (1946), ფარმაციის მეცნიერებათა დოქტორი (1956), პროფესორი.

საკანდიდატო დისერტაციის თემა -"ბროწეულის ნაყოფის ქერქი, როგორც ნედლეული ტანინის მისაღებად", დაიცვა 1946 წელს; სადოქტორო დისერტაციის თემა - "საქართველოს ზოგიერთი გვიმრა, როგორც სამრეწველო ნედლეული, სამკურნალო პრეპარატის მისაღებად", დაიცვა 1954 წელს.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.109-110

• საქართველოს რესპუბლიკის ჯანდაცვის სამინისტროს სამეცნიერო-სამედიცინო საბჭო, თავმჯდომარის მოადგილე (1959-1972)
• საქართველოს სსრ მეცნიერებათა აკადემია, წევრ-კორესპონდენტი

• მზა სამკურნალო საშუალებანი და მათი გამოყენება (ავტორი). - თბილისი, საბჭ. საქართველო, 1968. - 384გვ.
• სამკურნალო პრეპარატები და მათი კლინიკური გამოყენება : სახელმძღვ. სამედ. ინ-ტის სტუდენტებისათვის (ავტორი). - თბილისი, განათლება, 1965. - 499გვ.
• სამედიცინო ფერმენტოლოგია : ფერმენტები, როგორც ფიზიოლოგიური პროცესების კატალიზატორები (ავტორი). - თბილისი, მეცნიერება, 1965. - 227გვ.
• მზა სამკურნალწამლო საშუალებანი (ავტორი). - თბილისი, საბჭ. საქართველო, 1964. - 245გვ.
• მამრობითი გვიმრა და მისი გამოყენება მკურნალობაში (ავტორი). - თბილისი, საქმედგამი, 1957. - 96გვ.