ნიკოლოზ ჟღენტი

 დაბადების ადგილი: ქ. ბაქო.

დაამთავრა თბილისის სასოფლო–სამეურნეო ტექნიკუმი 1928 წელს; თბილისის სასოფლო–სამეურნეო ინსიტიტუტის მებაღე–მევენახეობის ფაკულტეტი 1933 წელს.

1933-1938წწ. მუშაობდა სხვადასხვა დაწესებულებაში თბილისსა და თელავში; 1936- 1958წწ. თბილისის შამპანკომბინატის დირექტორის მოადგილე; 1936 წელს მივლინებული იყო საფრანგეთში, შამპანის პროვინციაში; 1958 წელს დაინიშნა თბილისის N1 ღვინის ქარხნის დირექტორად; რვა წლის განმავლობაში შეთავსებით მუშაობდა მეღვინეობისა და მევენახეობის საკავშირო–სამეცნიერო კვლევითი ინსტიტუტის, "მაგარიჩის", ამიერკავკასიის ფილიალის დირექტორად. მისი თაოსნობით საქართველოში დაინერგა საშამპანურე ჯიშები: "შარდონე" და "პინო", ხოლო მისი უშუალო მონაწილეობით შეიქნმა ცნობილი ღვინოები: "ატენური", "ხიდისთაური", "სვირი", "მუხრანული". მიღებული ჰქონდა მთავრობის ჯილდოები-ორდენები და მედლები. იყო რამდენიმე მოწვევის უმაღლესი საბჭოს დეპუტატი.

წყარო: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები/ ალექსანდრე ქურდაძე.-თბ.,1999. - გვ.98

• სსრკ სახალხო მეურნეობის მიღწევათა გამოფენა (ВДНХ) (დიდი ვერცხლის მედალი)
• შრომის წითელი დროშის ორდენი (2 ორდენი)
• საქართველოს დამსახურებული მეღვინე