ვლადიმერ ჭანიშვილი

დაბადების ადგილი: სოფელი ხიდისთავი, ჩოხატაურის რაიონი.

დაამთავრა თბილისის პ. მელიქიშვილის სახელობის ქიმიური ტექნიკუმი 1928 წელს; საქართველოს ინდუსტრიული ინსტიტუტის ქიმიური ტექნოლოგიური ფაკულტეტი 1937 წელს.

1928-1932წწ. ბათუმის არაყ-ლიქიორის ქარხანის სპეციალისტი; 1938-1945წწ. თბილისის აგურისა და გაჯის ქარხნის ტექნიკური ხელმძღვანელი, საქართველოს ღვინის სპირტის ინსპექციის უფროსი ინსპექტორი; 1945-1980წწ. თბილისის კონიაკის ქარხანა: 1945-1971წწ. საამქროს უფროსი, 1971-1980წწ. მთავარი ტექნოლოგი; 1966-1971წწ. სამტრესტის კონიაკის წარმოების მთავარი ტექნოლოგი; 1963-1966წწ. საქართველოს პოლიტექნიკურ ინსტიტუტში კითხულობდა ლექციებს კონიაკის, არყის და სპირტის ტექნოლოგიებზე; მისი უშუალო მონაწილეობით დამზადებული იქნა 11 დასახელების ახალი მარკის კონიაკი; კონიაკის წარმოების საკითხებზე მიღებული ჰქონდა სამი საავტორო მოწმობა გამოგონებაზე; მინიჭებული ჰქონდა კონიაკის წარმოების პირველი კატეგორიის ტექნოლოგის წოდება (1953). 1966-1981წწ. საკავშირო სადეგუსტაციო კომისიის წევრი. 1968 წელს საკავშირო სადეგუსტაციო კომისიის მიერ მაღალხარისხოვანი კონიაკების შექმნისთვის დაჯილდოებული იყო დიპლომითა და ვერცხლის მედლით.

წყარო: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები/ ალექსანდრე ქურდაძე.-თბ.,1999. - გვ.107-108

• სსრკ სახალხო მეურნეობის მიღწევათა გამოფენა (ВДНХ) (დიდი ვერცხლის მედალი, 2 მედალი)
• შრომის წითელი დროშის ორდენი
• საქართველოს დამსახურებული ინჟინერი