დავით ადეიშვილი

დაამთავრა თბილისის სახელმწიფო უნივერსიტეტის საინჟინრო-ეკონომიკური ფაკულტეტი 1981 წელს; 1987 წელს დაიცვა საკანდიდატო დისერტაცია ეკონომიკურ-მათემატიკური მოდელირებისა და კომპიუტერული გაანგარიშებების გამოყენებაზე დაგეგმვაში; 1992-1993 წლებში იყო ბენჯამინ ფრანკლინის / ედმონდ მასკის სახელობის სტიპენდიანტი დიუკის უნივერსიტეტში (აშშ), სადაც სწავლობდა ეკონომიკასა და საჯარო პოლიტიკას; 1993 წელს იყო მსოფლიო ბანკის პირველი ინტერნი დამოუკიდებელი საქართველოდან; 1995 წელს ვენის ერთობლივ ინსტიტუტში (JVI) გაიარა გამოყენებითი საბაზრო ეკონომიკის გაღრმავებული კურსი მაკროეკონომიკური პოლიტიკის მიმართულებით.

კითხულობდა ლექციებს და მუშაობდა თბილისის სახელმწიფო უნივერსიტეტში; მუშაობდა სხვადასხვა სამეცნიერო - კვლევით დაწესებულებაში, სახელმწიფო სტრუქტურებსა და სამინისტროებში, კერძოდ, საქართველოს ცენტრალურ სტატისტიკურ სამმართველოში, ჯანდაცვის, ფინანსთა, ტრანსპორტის და ეკონომიკის სამინისტროებში; არის რამდენიმე არასამთავრობო და კომერციული ორგანიზაციის დამფუძნებელი; 90-იანი წლების დასაწყისში იყო საქართველოს მწვანეთა პარტიის დამფუძნებელი წევრი და აქტივისტი; არის მრავალი პუბლიკაციის ავტორი. ეკონომიკის დოქტორი.

წყარო: ჩემი ხედვების ქრონიკა პერესტროიკიდან დღემდე : ეკონომიკური პოლიტიკა, მდგრადი განვითარება, სარწმუნოებრივი პოლიტიკა / დავით ადეიშვილი,-თბ.,2019

• სოციალ-დემოკრატები საქართველოს განვითარებისათვის, პარტიის დამფუძნებელი წევრი (2010-)

• ჩემი ხედვების ქრონიკა პერესტროიკიდან დღემდე : ეკონომიკური პოლიტიკა, მდგრადი განვითარება, სარწმუნოებრივი პოლიტიკა (ავტორი). - თბილისი, კავკასიური სახლი, 2019. - 342გვ.. - ISBN: 9789941956904