ნოდარ ხვითისიაშვილი

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის ტექნოლოგიური ფაკულტეტი ინჟინერ-ტექნოლოგის  კვალიფიკაციით 1963 წელს.

1963-1964წწ. იყო წინანდლის ღვინის ქარხანაში ქიმიკოსი; 1964-1968წწ. ლენინგრადის ღვინის ქარხანაში საამქროს უფროსი; 1968-1975წწ. ვარკეთილის საწარმოო გაერთიანების მთავარი ინჟინერი; 1975-1983წწ.  კონიაკის კომბინატის საამქროს უფროსი, მთავარი ინჟინერი; 1983-1988წწ. საგარეჯოს სამარკო და საექსპორტო ღვინოების ქარხნის დირექტორი; 1988-1995წწ. სამრეწველო-სავაჭრო ფირმა "სამებას", დამაარსებელი, გენერალური დირექტორი. იყო საქართველოს მინისტრთა კაბინეტის ეკონომიკური რეფორმების კომისიის წევრი, სახელმწიფოს მეთაურთან არსებული დირექტორთა საბჭოს წევრი. მეღვინეობის დარგში პირველმა დაამყარა საქმიანი კონტაქტები უცხოეთის ფირმებთან და ორგანიზაციებთან, შექმნა პირველი ერთობლივი საწარმო პოლონეთში და მოახდინა მისი პრივატიზაცია, მოიზიდა უცხოელი ინვესტორები. მხატვარი, ქველმოქმედი, არაერთი გამოგონებისა და შრომის ავტორი. ტექნიკურ მეცნიერებათა კანდიდატი.

წყარო: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე.-თბ.,1999.-გვ.201-202

• საქართველოს მევენახეთა და მეღვინეთა კავშირის გამგეობა, წევრი
• საქართველოს მრეწველთა კავშირი, ვიცე-პრეზიდენტი