ედუარდ აიხვალდი

დაბადების ადგილი: ქ. მიტავა, ლატვია.

1825-1826 წლებში კავკასიაში მოგზაურობის დროს, ედუარდ აიხვალდმა თითქმის მთელი საქართველო მოიარა. მოგზაურობის შედეგია წიგნი "ედუარდ აიხვალდის მოგზაურობა კასპიის ზღვასა და კავკასიაში 1825-1826 წლებში". ნაშრომში ავტორი ეხება საქართველოს პოლიტიკურ, ეკონომიკურ ვითარებას; აღწერს ქალაქებს, სოფლებსა და ეკლესიებს. იკვლევს საქართველოს ფლორასა და ფაუნას; როგორც ექიმი, აღწერს გავრცელებულ დაავადებებს. საინტერესოა მის მინერალოგიური და ბოტანიკური კვლევები. "ქართველებს არ უყვართ წამლების მიღება, ხოლო შეძლებული პირები, როცა ისინი იძულებული არიან, ექიმს დაუძახონ, კმაყოფილდებიან ექიმის მოსვლითა და ნუგეშით; მის წამლებს კი მიმართავენ მხოლოდ უკიდურესი საფრთხის დროს. მხოლოდ მრავალ ტკივილთან დაკავშირებული დაავადებანი, აშკარა საფრთხე, გარეგანი და თვალში საცემი სხეულის დამმახინჯებელი ავადმყოფობანი აიძულებენ, დახმარებისათვის ექიმს მიმართონ". მოგზაური.

წყარო: ამბები საქართველო-გერმანიის ურთიერთობიდან = Stories of Georgian-German relations = Geschichte über georgisch-deutsche Beziehungen / ალბომზე მუშაობდნენ: სალომე ჭანტურიძე, მირიან ხოსიტაშვილი, ოთარ ჯანელიძე [და სხვა].-თბ.,2023.-გვ.131

• ედუარდ აიხვალდი საქართველოს შესახებ:(XIX საუკუნის პირველი მესამედი) (ავტორი). - თბილისი, არტანუჯი, 2005. - 332 გვ.