კუკური ლოსაბერიძე

დაბადების ადგილი: ქ. ქუთაისი.

დაამთავრა თბილისის ფარმაცევტული ინსტიტუტი 1949 წელს პროვიზორის კვალიფიკაციით.

1949-1951წწ. საქართველოს მთავარი სააფთიაქო სამმართველოს სამრეწველო-სავაჭრო განყოფილების გალენური ლაბორატორიის გამგე; 1951 წელს ქ. თბილისის ფარმაკო-ქიმიური სამეცნიერო-კვლევითი ინსტიტუტის ლაბორანტი ფარმაკო-ქიმიკოსი; 1951 წელს მთავარი სააფთიაქო სამმართველოს ქ. ქუთაისის სარაიონთაშორისო კანტორის მე-5 აფთიაქის მმართველი; 1951-1953წწ. საქართველოს კომუნისტური პარტიის ქ. ქუთაისის საოლქო კომიტეტის ადმინისტრაციული განყოფილების ინსტრუქტორი; 1953-1954წწ. მთავარი სააფთიაქო სამმართველოს ქ. ქუთაისის სარაიონთაშორისო კანტორაში სხვადასხვა თანამდებობაზე მუშაობდა; საკავშირო ჯანმრთელობის დაცვის სამინისტროს სამედიცინო მრეწველობის მთავარი სამმართველოს ქ. თბილისის ქიმიურ-ფარმაცევტული ქარხნის ცვლის უფროსი (1954); 1954-1955წწ. მთავარი სააფთიაქო სამმართველოს ქ. ქუთაისის სარაიონთაშორისო კანტორის მე-8 აფთიაქის მმართველი; 1956-1960წწ. ქ. ქუთაისის საკონტროლო ლაბორატორიის ქიმიკოს-ანალიტიკოსი და საავტომობილო ქარხნის მედნაწილის საავადმყოფოს აფთიაქის გამგე; 1960-1962წწ. სამხრეთ ოსეთის ავტონომიური ოლქის სააფთიაქო კანტორის ჯავის რაიონული აფთიაქის მმართველი; 1962-1966წწ. ქ. თბილისის 43-ე აფთიაქის მმართველი; 1966-1973წწ. საქართველოს ჯანმრთელობის დაცვის სამინისტროს მთავარი სააფთიაქო სამმართველოს ფარმაცევტული ფაბრიკის "ჯანმრთელობა" დირექტორი; 1973-1976წწ. ქ. თბილისის ქიმიურ-ფარმაცევტული ქარხნის ცენტრალური საქარხნო-ლაბორატორიის უფროსი; 1976-1989წწ. მთავარი სააფთიაქო სამმართველოს ქ. თბილისის მე-5 აფთიაქის გამგე; 1989-1990წწ. ქ. თბილისის პირველი აფთიაქის უფროსი პროვიზორი; 1990 წელი ქ. თბილისის ცენტრალიზებული ცნობათა ბიუროს უფროსი; არის რამდენიმე მეცნიერული ნაბეჭდი ნაშრომის ავტორი. დაჯილდოებული იყო მრავალი მადლობით, სიგელითა და მედლით. პრაქტიკოსი პროვიზორი, ჯანდაცვის ორგანიზატორი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.449-452