რომან პაპავა

დაბადების ადგილი: ქ. სამტრედია.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1968 წელს.

1968-1971წწ. იყო ყაზახეთის სსრ ცელინოგრადის ოლქის ჯერ ასტრახანის რაიონის რაიქირურგი და ქირურგიული განყოფილების გამგე, შემდეგ ამავე ოლქის ბალკაშინოს რაიონის ბელგოროდსკის საავადმყოფოს მთავარი ექიმი და ქირურგი; 1969-1970წწ. გაიარა სპეციალიზაცია ზოგად ქირურგიაში ალმა-ატის ექიმთა დახელოვნების ინსტიტუტში; 1971 წელს თბილისის სახელმწიფო სამედიცინო ინსტიტუტის სამკურნალო ფაკულტეტის ჰოსპიტალური ქირურგიის კათედრის თანამშრომელი, ასპირანტი (1971-1974), ამავე კათედრის ასისტენტი (1975-1984), აქვე დოცენტი (1984-1998); კვალიფიკაცია აიმაღლა ქირურგიაში მოსკოვსა და ლენინგრადში (1978, 1984), ქირურგიულ სნეულებათა I კათედრის პროფესორი (2000). მის მიერ კლინიკაში დაინერგა კუჭის ფუნქციური მდგომარეობის შემსწავლელი ლაბორატორია. იყო 70 მეცნიერული ნაშრომის ავტორი ქირურგიაში, მათ შორის 3 მონოგრაფია და ერთი გამოგონების. მედიცინის მეცნიერებათა კანდიდატი (1975), მედიცინის მეცნიერებათა დოქტორი (1998), პროფესორი. ექიმი-ქირურგი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.547-549