თამთა ფარულავა

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი სპარსული ენისა და ლიტერატურის განხრით 1998 წელს.

1998-2009წწ. თბილისის სახელმწიფო უნივერსიტეტის ირანული ფილოლოგიის კათედრის ლაბორანტი; 2010 წლიდან ილიას სახელმწიფო უნივერსიტეტის გ. წერეთლის აღმოსავლეთმცოდნეობის ინსტიტუტის მკვლევარია. მისი სამეცნიერო ინტერესების საგანია ზოგადად აღმოსავლური ლიტერატურა, კლასიკური სპარსული მწერლობა, ქართული ლიტერატურა,  პროფესორ ალ. გვახარიას სამეცნიერო მემკვიდრეობის საარქივო მასალები. სხვადასხვა დროს ასწავლიდა თბილისის სკოლებში ქართულ ენასა და ლიტერატურას, უმაღლეს სასწავლებელში აღმოსავლური ლიტერატურის ისტორიას, მსოფლიო ლიტერატურის ისტორიას, მეტყველების კულტურას, ახალ ქართულ ენას, აკადემიურ წერას, შემოქმედებით და ანალიტიკურ წერას. გამოქვეყნებული აქვს სტატიები თბილისის სახელმწიფო უნივერსიტეტსა და სხვა სამეცნიერო ჟურნალებში. ფილოლოგიის მეცნიერებათა კანდიდატი, აკადემიური დოქტორი (2006); აღმოსავლეთმცოდნე-ირანისტი.

წყარო: თბილისის სახელმწიფო უნივერსიტეტი: encyclopedia.tsu.ge

• ბავშვზე ძალადობის ძირითადი საკითხები : საკითხავი მასალა სტუდენტებისთვის (რედაქტორი). - თბილისი, 2011. - 204გვ.. - ISBN: 9789941038839