ეკა ჩიკვაიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ქართული ფილოლოგიის ფაკულტეტი 1992 წელს, ასპირანტურა 1996 წელს; თბილისის წმინდა ანდრია მოციქულის სახელობის სასულიერო აკადემიის ბიზანტინისტიკის ფაკულტეტი 1995 წელს.

1992-1995წწ. თბილისის ეკონომიკის ინსტიტუტის ქართული ენისა და ლიტერატურის მოწვეული მასწავლებელი; 2006 წლიდან შოთა რუსთაველის სახელობის ქართული ლიტერატურის ინსტიტუტის მეცნიერ თანამშრომელი; 2007-2009წწ. თბილისის 27-ე საავტორო სკოლის ქართული ენისა და ლიტერატურის მასწავლებელი; 2007-2008წწ. საქართველოს უნივერსიტეტის მოწვეული ლექტორი; 2009-2015წწ. პროფესორი; 2016 წლიდან ილიას სახელმწიფო უნივერსიტეტის მოწვეული სპეციალისტი; 2016-2017წწ. ქართული ენისა და ლიტერატურის სპეციალისტი განათლების ცენტრ "რენომეში"; 2018 წელს კავკასიის უნივერსიტეტის სოციალურ და ჰუმანიტარულ მეცნიერებათა სკოლის პროფესორი; ბიზანტინისტთა ასოციაციის წევრი (1994); GCLA -ს წევრი (2020). მისი სამეცნიერო ინტერესთა სფერო ძირითადად მოიცავს ძველი ქართული ლიტერატურის საკითხებს, განსაკუთრებით კი - ქართულ ჰაგიოგრაფიულ კანონსა და მის თავისებურებებს ბიზანტიურთან მიმართებით. თავის კვლევებში ხელახლა წამოჭრა კიმენის საკითხი ტერმინის მართებულობის თვალსაზრისით. გამოქვეყნებული აქვს ნაშრომები სხვადასხვა სამეცნიერო კრებულში, მათ შორის მაღალრეიტინგულ გამოცემებში. ფილოლოგიის მეცნიერებათა კანდიდატი (2005), ფილოლოგიის აკადემიური დოქტორი (PhD., 2008), პროფესორი. 

წყარო: თბილისის სახელმწიფო უნივერსიტეტი: encyclopedia.tsu.ge

• ქართული ჰაგიოგრაფია = Georgian Hagiography : ლიტერატურის ინსტიტუტის გზამკვლევი (თანაავტორი). - თბილისი, თბილისის უნივერსიტეტის გამომცემლობა, 2025. - 448გვ.. - ISBN: 9789941364044
• X-XII საუკუნეების ქართული ლიტერატურა = Georgian Literature of X-XII Centuries : ლიტერატურის ინსტიტუტის გზამკვლევი : [კრებული (თანაავტორი). - თბილისი, თბილისის უნივერსიტეტის გამომცემლობა, 2024. - 412გვ.. - ISBN: 9789941362354
• სასულიერო მწერლობა : წერილები : აგიოგრაფია, ჰიმნოგრაფია, ეგზეგეტიკა (რედაქტორი). - თბილისი, მერიდიანი, 2022. - 594გვ.. - ISBN: 9789941840500
• მიქაელ მოდრეკილის ნათლისღების საგალობელი (ავტორი). - თბილისი, SABC, 2009. - 96გვ.. - ISBN: 9789941018305