შუქრი ჭაღალიძე

დაბადების ადგილი: სოფელი გომარდული, შუახევის რაიონი.

დაამთავრა ბათუმის საზღვაოსნო სასწავლებლის გემთმექანიკური განყოფილება მძლავრი დანადგარების მოტორისტის სპეციალობით 1975 წელს; ნოვოროსიისკის უმაღლეს საზღვაო-საინჟინრო სასწავლებელი (НВИМУ) ინჟინერ-გემთმექანიკოსის სპეციალობით 1985 წელს.

შრომითი საქმიანობა საქართველოს საზღვაო სანაოსნოში დაიწყო. 1976-1981 წლებში მოტორისტად ცურავდა ტანკერებზე: «Бугульма»-ზე, «Фридрих Энгельс»-სა და  «Дрогобыч»-ზე. 1982 წლიდან კი მე-4, მე-3 და მე-2 მექანიკოსის მოვალეობებს ასრულებდა სანაოსნოს სხვადასხვა გემებზე, 1990 წლიდან კი ერთობლივი კომპანიებისათვის გადაცემულ ბალკერებზე: «Levan»-სა და «Leon»-ზე. ზღვაში პრაქტიკული საქმიანობის პარალელურად იგი თეორიული ცოდნის გასაღრმავებლად 1979 წელს სწავლას განაგრძობს ინჟინერ-გემთმექანიკოსის სპეციალობით ნოვოროსიისკის უმაღლეს საზღვაო-საინჟინრო სასწავლებელში (НВИМУ). 1987 წელს მეორე მექანიკოსის რანგში მონაწილეობს სანაოსნოს ახალი ტანკერის - «Батуми»-ს მიღებასა და ექსპლუატაციაში გაშვებაში. 1998-2002 წლებში კი უკვე მნიშვნელოვანი პრაქტიკული გამოცდილების მქონე გემთინჟინერი, ჯერ საქართველოს საზღვაო სანაოსნოს, მოგვიანებით კი «Denholm Ship Management»-ის სუპერინტენდანტის მოვალეობებსაც ასრულებდა გლაზგოში. 2003 წლიდან  სხვადასხვა დროს უფროს მექანიკოსად ცურავდა გემებზე: «Poti Star», «Vemaoil XV», «Prime Royal», «Renes» და სხვა. შორეული ნაოსნობის გემების უფროსი მექანიკოსი, გემთინჟინერი.

წყარო : პაატა ტაბაღუას საავტორო გვერდი "საქართველო საზღვაო ქვეყანაა" : facebook.com