კობახიძე მიხეილ

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1944 წელს.

იბრძოდა მეორე მსოფლიო ომში: 1944-1945წწ. იყო მე-13 არმიის ბატალიონის და I უკრაინის ფრონტის სანიტარული სამსახურის უფროსი; 1945-1946წწ. I შორეული აღმოსავლეთის ფრონტის ბატალიონის სანიტარული სამსახურის უფროსი; 1946-1947წწ. საქართველოს მეცნიერებათა აკადემიის კლინიკური და ექსპერიმენტული კარდიოლოგიის ექიმი-ლაბორანტი, აქვე  ასპერანტი (1947-1950), ექიმი-ორდინატორი (1950-1954); 1954-1972წწ. ინსტიტუტის სწავლული მდივანი; 1972-1973წწ. სამეცნიერო-პოლიკლინიკური განყოფილების უფროსი მეცნიერ-თანამშრომელი; 1973-1988წწ. არტერიული ჰიპერტონიის განყოფილების უფროსი მეცნიერ-თანამშრომელი; 1989-1994წწ. პირველი კარდიოლოგიური განყოფილების ექიმი-კარდიოლოგი; არტერიული ჰიპერტონიის განყოფილების უფროსი მეცნიერ-თანამშრომელი (1994); ეწეოდა აქტიურ სამეცნიერო მოღვაწეობას; იყო 79 მეცნიერული ნაშრომის ავტორი, რომელთა შორის 46 დაბეჭდილია საქართველოსა და საკავშირო ჟურნალ-გაზეთებში, გამოქვეყნებული ჰქონდა 1 სამეცნიერო-პოპულარული ბროშურა; რეცენზირებული აქვს: 2 საკანდიდატო დისერტაციის ავტორეფერატი, 1 სამეცნიერო ნაშრომი. დაჯილდოებული იყო მრავალი მადლობით, მედლითა და ორდენით. ექიმი-კარდიოლოგი, მედიცინის მეცნიერებათა კანდიდატი (1952),  მედიცინის მეცნიერებათა დოქტორი (1972), სამედიცინო სამსახურის მაიორი.

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.737-739

• მედალი "დიდ სამამულო ომში გამარჯვების 20 წლისთავთან დაკავშირებით"
• მედალი "მამაცური შრომისთვის"
• მედალი "დიდ სამამულო ომში გამარჯვების 30 წლისთავთან დაკავშირებით"
• მედალი "საბჭოთა კავშირის შეიარაღებული ძალების 60 წელი"
• მედალი "იაპონიაზე გამარჯვებისთვის"
• მედალი "გერმანიაზე გამარჯვებისთვის"
• მედალი "საბრძოლო დამსახურებისთვის"
• მედალი "ბერლინის აღებისთვის"
• მედალი "პრაღის გათავისუფლებისთვის"
• სამამულო ომის II ხარისხის ორდენი