კონსტანტინე ფერაძე

დაბადების ადგილი: სოფელი საქარა, ყოფილი შორაპნის მაზრა.

დაწყებითი განათლება მიიღო ზესტაფონში, ხოლო საშუალო და უმაღლესი სასწავლებელი დაამთავრა თბილისში. 1919 წლიდან სწავლობდა თბილისის პოლიტექნიკურ ინსტიტუტში, წარჩინებით დაამთავრა კურსი ინჟინერ-მშენებლის სპეციალობით. ასწავლიდა თბილისის ჰიდროტექნიკუმში. იყო სტუდენტთა ტექნიკური სამეცნიერო წრის თავმჯდომარე. მუშაობდა საქართველოს წყალთა მეურნეობის სამმართველოში, აქტიურად მონაწილეობდა საინჟინრო-ტექნიკური ბიუროს მუშაობაში. 1929 წლის 5 ნოემბერს, სამსახურეობრივი მოვალეობის შესრულების დროს, სოფელ სვირში კონსტანტინე (კოტე) ფერაძე და ანტონ (ტუტუშა) ჯაფარიძეს რკინიგზის დამცველი რაზმის მსროლელის, ლომინაძის მიერ მოკლული იქნა. საქარისა და ობჩის მცხოვრებთა წარმომადგენელთა მოთხოვნით აჯამეთის სარწყავ არხს მათი სახელი ეწოდა. ინჟინერ-მელიორატორი. ჰიდროინჟინერი. საქართველოს წყალთა მეურნეობის სპეციალისტი. 

წყარო: მამულიშვილთა სავანე. - თბ., 1994. - გვ.337; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.359; სადგურ სვირში მომხდარ მკვლელობის გარშემო // კომუნისტი. - თბილისი, 1929. - 7 ნოემბერი. - N258. - გვ.4-5; კარგ ქართველთა საფლავები: geonecropol.ge