ალექსანდრე ყაზბეგი

ალექსანდრე ყაზბეგი დაიბადა გიორგი ყაზბეგისა და ელისაბედ მაღალაშვილის ოჯახში. რუსეთის არმიის პოდპოლკოვნიკი, I914 წლის 8 ნოემბერს პოლონეთის ქ. ლოძთან გამართული ბრძოლის დროს მიღებული ჭრილობებით დაიღუპა, მისი სიმბოლური საფლავი დაბა სტეფანწმინდაში მდებარეობს. "თანამედროვე ომმა ჩვენის ქვეყნის ბევრი შვილი შეიწირა, ხშირია ოჯახი საიდანაც სამი-ოთხი ძმა და მამა-შვილნი დაღუპულან ბრძოლის ველზე. ერთი ასეთი ოჯახია ჩვენი ცნობილი გიორგი ყაზბეგისა, რომლის სამი შვილი ახლანდელ ომში დაიღუპა... 1) ნიკოლოზ - როტმისტრი, გიორგის პირველი შვილი, თათართა პოლკის უფროსის ადიუტანტი, კარპატებში მოკლული 1915 წლის 16 იანვარში გადმოასვენეს ყაზბეგში. 2) ალექსანდრე - გიორგის მეორე შვილი, პოდპოლკოვნიკი, უკვალოდ დაიკარგა ლოძთან ბრძოლის დროს, არ იციან ცოცხალი თუ მკვდარი. 3) კონსტანტინე - გიორგის მესამე შვილი, კაპიტანი, მსახურებდა სარკინისგზო ბატალიონში. ავტომობილის გადაბრუნების დროს დაიღუპა 1915 წლის 14 თიბათვეს პეტროგრადთან, მოქანდაკე იყო. გამოაქანდაკა რუს-იაპონიის ომში დაღუპულ გემის უფროსი რუდნევი" ("თეატრი და ცხოვრება", 1915 წელი, №32; 9 აგვისტო). გაბრიელ ყაზბეგის შთამომავალი, ნიკოლოზ ყაზბეგის შვილიშვილი, გიორგი ყაზბეგის შვილი, ნიკოლოზ, კონსტანტინე (რალია) და ელენე (ელიუ) ყაზბეგების ძმა.

წყარო: ძმანი ყაზბეგნი : ომში და უბედურად დაღუპულნი, გიორგი ყაზბეგის შვილნი: ნიკოლოზი, ალექსანდრე, კონსტანტინე [პორტრეტები] // თეატრი და ცხოვრება. - 1915. - N32.-8; ლაზისტანის სანჯაყის სამხედრო-სტატისტიკური და სტრატეგიული ნარკვევები / გიორგი ყაზბეგი ; შეადგინა, ავტორის ბიოგრაფია, კომენტარები და შენიშვნები დაურთო რამაზ სურმანიძემ .- ბათუმი,2019.-გვ.170