თამაზ ჩაჩავა

დაამთავრა თბილისის სახელმწიფო სამედიცინო ინსტიტუტი.

სტუდენტობიდანვე დაინტერესდა იმ დროს საკმაოდ გავრცელებული დაავადებით - ექინოკოკით და ინსტიტუტის დამთავრებიდან მალე სამედიცინო საზოგადოებამ მიიღო შესანიშნავი მონოგრაფია - "ფილტვის ექინოკოკი". შემდეგ იგი მუშაობდა მოსკოვში, ბავშვთა გულ-სისხლძარღვთა ქირურგიის ინსტიტუტში, რომელსაც იმ დროს აკადემიკოსი ვ. ბურაკოვსკი ხელმძღვანელობდა. ინსტიტუტში მუშაობისას აქვეყნებდა ნაშრომებს ბავშვთა გულსისხლძარღვთა პათოლოგიის მკურნალობის აქტიურ საკითხებზე, თარგმნიდა ინგლისურიდან რუსულ ენაზე სქელტანიან მონოგრაფიებს გულ-მკერდის ქირურგიაში. მეუღლესთან, ლიანა ისაკაძესთან ერთად გაემგზავრა საზღვარგარეთ, წლების განმავლობაში ცხოვრობდა გერმანიაში და საფრანგეთში. წერდა შესანიშნავ ლექსებს, თარგმნა ინგლისელი პოეტი ჯონ ქითსი, წერდა სხვადასხვა მიმდინარეობის ფილოსოფოსებზე, ასევე წერდა ესეებს, წერილებს ქვეყნის საჭირბოროტო საკითხებზე. მას საკუთარი ფილოსოფიური სამყარო ჰქონდა. იყო მაღალი დონის ინტელექტუალი. ექიმი, მედიცინის მეცნიერებათა დოქტორი. მევიოლინე ლიანა ისაკაძის მეუღლე, ექიმისა და მეცნიერის მიხეილ ჩაჩავას შვილი.

წყარო: დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.397; კარგ ქართველთა საფლავები: geonecropol.ge

• ცილისწამების ზეიმი : მოთხრობები (ავტორი). - თბილისი, სვეტი, 2017. - 92გვ. . - ISBN: 9789941950193
• სულიერების და მშვენიერების თავშესაფარი (ავტორი). - თბილისი, სვეტი, 2016. - 83გვ.. - ISBN: 9789941948190
• ლიანა ისაკაძის მედიტაციები... : სინდისი-ადამიანის თავისუფლების დეკლარაცია ღმერთში! : თარგმანი რუსულიდან (რედაქტორი). - თბილისი, გლობალ-პრინტი+, 2013. - 174გვ.
• ღამემ არ იცის სიყვარული ხელის შეხებით : ლექსები (ავტორი). - თბილისი, ს/ს "პირველი სტ.", 2003. - 175გვ.
• სიცოცხლის ძიებით მკვდართა პლანეტაზე : ლექსები (ავტორი). - თბილისი, 2001. - 112გვ.
• ლექსები, 94-95-96 (ავტორი). - თბილისი, რუბიკონი, 1997. - 360გვ.
• ფილტვის ექინოკოკი (ავტორი). - თბილისი, მეცნიერება, 1964. - 191გვ.