კობა სუჯაშვილი

დაბადების ადგილი: დაბა ყაზბეგი, ყაზბეგის მუნიციპალიტეტი.

დაამთავრა ა. პუშკინის სახ. თბილისის სახელმწიფო პედაგოგიური ინსტიტუტი 1965 წელს.

1964 წელს იყო რუსთავის I საშუალო სკოლის ფიზიკის მასწავლებელი; 1965-1969წწ. თბილისის 70-ე საშუალო სკოლის ფიზიკის მასწავლებელი; 1969-1971წწ. თბილისის განათლების განყოფილების სასკოლო ინსპექტორი; 1971-1973წწ. 67-ე საშუალო სკოლის დირექტორი; 1973-1977წწ. ისნის რაიონის განათლების განყოფილების გამგე; 1976-1978წწ. სახელმწიფო პოლიტექნიკური ინსტიტუტის ფიზიკის კათედრის ასისტენტი; 1977-1979წწ. სახალხო განათლების ინსპექციის უფროსი; 1979-1983წწ. განათლების სამინისტროს სკოლების სამმართველოს უფროსი; 1983-1985წწ. კპ ცკ-ს მეცნიერებისა და სასწავლო დაწესებულებათა განყოფილების ინსტრუქტორი; 1985-1989წწ. თბილისის სახალხო განათლების სამმართველოს უფროსი; 1989-1990წწ. განათლების მინისტრის მოადგილე; 1991-1995წწ. სამეცნიერო-მეთოდური ცენტრის დირექტორის I მოადგილე; 1995 წლიდან განათლების სამინისტროს საშუალო განათლების სამმართველოს უფროსი. 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: პარტიული სიით. გამოქვეყნებული აქვს 4 სამეცნიერო ნაშრომი სახალხო განათლების სისტემის მართვის საკითხებზე. მიღებული აქვს საქართველოს უმაღლესი საბჭოს პრეზიდიუმის საპატიო სიგელი (1982).

წყარო: ვინ ვინაა საქართველოში: ქართული ბიოგრაფიული ცნობარი. –  თბ., 1998-1999. - გვ. 304; საქართველოს პარლამენტის ვებ-გვერდი: parliament.ge; საქართველოს პარლამენტის წევრები 1990-2015/ კობა ამირხანაშვილი.- თბ.-2015.-გვ. 318

• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის განათლების, მეცნიერებისა და კულტურის კომიტეტი, წევრი (1995-1999)
• საქართველოს მე-4 მოწვევის პარლამენტის ფრაქცია "მოქალაქეთა კავშირი", წევრი (1995-1999)