ჯაბა იოსელიანი

დაბადების ადგილი: ქ. ხაშური.

დაამთავრა საქართველოს თეატრალური ინსტიტუტის თეატრმცოდნეობის ფაკულტეტი 1973 წელს.

1973–1975წწ. მუშაობდა კინოსა და თეატრის ხელოვნების მუზეუმში დირექტორის მოადგილედ, 1975–1989წწ. თეატრალურ ინსტიტუტში ჯერ სწავლულ მდივნად შემდგომ თეატრისა და კინოს სექტორის უფროსის მოადგილედ სამეცნიერო დარგში; სამხედრო-პატრიოტული ორგანიზაცია "მხედრიონის" (მაშველთა კორპუსი) დამაარსებელი და ხელმძღვანელი; საქართველოს რესპუბლიკის სამხედრო საბჭოს ხელმძღვანელი; 1992 წელს რესპუბლიკის სახელმწიფო საბჭოს თავმჯდომარის მოადგილე; 1992-1995წწ. საქართველოს მე-3 მოწვევის პარლამენტის წევრი, საარჩევნო ფორმა: მაჟორიტარული,  მაჟორიტარი №2.9 ნაძალადევის საარჩევნო ოლქიდან; 1993–1994წწ. იყო ქართულ–აფხაზურ სამშვიდობო მოლაპარაკებების საქართველოს დელეგაციის ხელმძღვანელი ჟენევაში. არის პიესების, რომანების ავტორი. გამოქვეყნებულია მისი ესეები და მონოგრაფიები, სამეცნიერო და ლიტერატურულ–კრიტიკული წერილები. მისი პიესები იდგმება ქართული თეატრების სცენებზე. ხელოვნებათმცოდნეობის დოქტორი, პროფესორი.

საკანდიდატო დისერტაციის თემა – "სერგო ამაღლობელი", დაიცვა 1978 წელს, სადოქტორო – "კომიზმი და ქართული კომედიის ნიღბები", დაიცვა 1982 წელს.

წყარო: საქართველოს პარლამენტის ვებგვერდი: old.parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ., 2015.- გვ. 185; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.60

• მაშველთა კორპუსი, საპატიო თავმჯდომარე (1989-1995)
• საგანდებო მდგომარეობის დროებითი კომიტეტი, თავმჯდომარე (1993-1994)
• საქართველოს მე-3 მოწვევის პარლამენტი, წევრი (1992-1995)
• საქართველოს სახელმწიფო საბჭო, თავმჯდომარე (1992-)

• 1993 - ვახტანგ გორგასლის I ხარისხის ორდენი
• ღირსების ორდენი

• პიესები (ავტორი). - თბილისი, პოლიგრაფ.– სერვისი, 2002. - 384გვ.. - ISBN: 99928-0-352-5
• ლიმონათის ქვეყანა : რომანი (ავტორი). - თბილისი, აზრი, 2001. - 496გვ.. - ISBN: 99928-70-47-8
• სარეჟისორო გეგმა : რომანი (ავტორი). - თბილისი, აზრი, 2000. - 189გვ.. - ISBN: 99928-70-22-2
• სამი განზომილება (ავტორი). - თბილისი, აზრი, 1999. - 511გვ.. - ISBN: 99928-70-12-5
• სანიტარული მატარებელი : რომანი (ავტორი). - თბილისი, მერანი, 1992. - 208გვ.
• ნარკვევები, ესეები, რეცენზიები (ავტორი). - თბილისი, ხელოვნება, 1990. - 280გვ.. - ISBN: 5-89515-018-7
• კომიზმი და ქართული კომედიის ნიღბები : სახელმძღვანელო თეატრალური ინსტიტუტის სტუდენტებისათვის (ავტორი). - თბილისი, განათლება, 1982. - 206გვ.
• სერგო ამაღლობელი : ცხოვრება და მოღვაწეობა (ავტორი). - თბილისი, საქ. თეატრალური საზ-ბა, 1978. - 310გვ.