ოლეგ ნამიჩეიშვილი

დაბადების ადგილი: ქ. სამტრედია.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1965 წელს; თბილისის სახელმწიფო უნივერსიტეტის და მ. ვ. ლომონოსოვის სახელობის მოსკოვის სახელმწიფო უნივერსიტეტის ფიზიკის და მათემატიკა-მექანიკის ფაკულტეტების ასპირანტურა.

1968–1970წწ. იყო თბილისის სახელმწიფო უნივერსიტეტის ფიზიკის ფაკულტეტის ასისტენტი; მიკროპროცესორული სისტემების კათედრის გამგე; 1970–1988წწ. დოცენტი, თბილისის სახელმწიფო უნივერსიტეტის ფიზიკის ფაკულტეტის დოცენტი; 1989–1996წწ. რადიო­ტექ­ნიკის კათედრის გამგე; 1997–2006წწ. მიკრო­პრო­ცესორებისა და მიკროპროცე­სორული სისტემების კათედრის გამგე; 2006-2007წწ. საქართველოს ტექნიკური უნივერსიტეტის ინფორმატიკისა და მართვის სის­ტემების ფაკულტეტის მოწვეული პრო­ფე­სორი; 2007–2008წწ. საქართველოს უნივერსიტეტის ინფორმატიკის სკოლის მოწვეული პრო­ფე­სორი; 2002–2009წწ. ინფორმატიკის ფრანგულ-ქარ­თუ­ლი სკოლა (Filière franco­phone en Informatique, დაარსე­ბულია  l’Université Paris-8, l’Uni­ver­­sité Ver­sailles,  AUF,  INALCO ორგანი­ზაციათა ინიციატივით), მოწვეული პროფესორი; 2009–2013წწ. საქართველოს ტექნიკური უნივერსიტეტის კომპიუ­ტერული ინჟინერიის დეპარტა­მენ­ტის სრული პროფესორი; 2010–2016წწ. 5 სამეცნიერო საგრანტო პროექტის ხელმძღვანელი; წლების მანძილზე ეწევა სამეცნიერო მოღვაწეობას. მისი ნაშრომები ეძღვნება ციფრული გამოთვლითი და ტელეკომუნიკაციური სისტემების თეორიის საიმედობის ასპექტებსა და კომპიუტერული პროექტირების ელექტრონულ სქემებს, იმიტაციურ მოდელირებას და უარყოფების სტატისტიკურ ანალიზს. სტაჟირება გაიარა მოსკოვის უნივერსიტეტის ალბათობის თეორიის კათედრასა და საფრანგეთის ტელეკომუნიკაციის ნაციონალურ კვლევით ცენტრში; ტექნიკურ მეცნიერებათა დოქტორი, პროფესორი.

წყარო: საქართველოს ტექნიკური უნივერსიტეტის ადმინისტრაციის ვებგვერდი: gtu.ge

• ამერიკის ელექტრონული ტექნიკისა და ელექტრონიკის ინჟინერთა ინსტიტუტი (IEEE), ნამდვილი წევრი
• საქართველოს ეროვნული სათათბირო, წევრი
• საქართველოს ტექნიკური უნივერსიტეტის აკადემიური საბჭო, წევრი

• ტურბო პასკალი : სახელმძღვანელო (თანაავტორი) // ნაწ. 1. - თბილისი, თსუ, 2002. - 272გვ.. - ISBN: 99928-932-8-1
• Структуры данных : კვლევითი მონოგრაფია (ავტორი). - Тбилиси, ТГУ, 2001. - 75с.. - ISBN: 99928-33-78-5
• ინფორმატიკის შესავალი : უმაღლ. სასწ. სტუდენტთათვის. (თანაავტორი). - თბილისი, უნივერსალი, 2000. - 144გვ.. - ISBN: 99928-77-89-8
• ფიზიკური მოვლენების მათემატიკური მოდელირება (თანაავტორი) // ნაწ. 2. ლაბორატორიულ სამუშაოთა პრაქტიკუმი. კურსი მიზნად ისახავს აზიაროს მომავალი სპეციალისტები პერსონალურ კომპიუტერზე მოდელირების ხელოვნებას. - თბილისი, თბილისის უნივერსიტეტი, 1994. - 184გვ.
• სტატისტიკური რადიოტექნიკა : დამხმარე სახელმძღვანელო ფიზიკის ფაკულტეტის რადიოფიზიკისა და ელექტრონიკის სპეციალობის სტუდენტებისა და ამ დარგში მომუშავე სპეციალისტებისათვის (თანაავტორი). - თბილისი, თბილისის უნივერსიტეტი, 1992. - 254გვ.
• კომბინაციური ლოგიკური სქემის დაპროექტება : დამხმარე სახელმძღვანელო უმაღლესი სკოლისათვის (თანაავტორი). - თბილისი, თბილისის უნივერსიტეტი, 1991. - 227გვ.
• ფიზიკური ამოცანების მათემატიკური მოდელირება ელექტრულ გამომთვლელ მანქანაზე (შემდგენელი) // ნაწ. 1. ლექციების კურსი. - თბილისი, თბილისის უნივერსიტეტი, 1989. - 151გვ.
• საიმედობის თეორია : სახელმძღვ. ფიზიკის ფაკ. სტუდენტთათვის (ავტორი). - თბილსი, თბილისის უნივერსიტეტი, 1984. - 237გვ.