
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

მანანა შილაკაძე

Date of birth:	8 February, 1938
Date of death:	20 October, 2010 (at 72 years)
Burial location:	საბურთალოს სასაფლაოს პანთეონი, თბილისი
Category:	Ethnologist, Scientist, Educator

Biography

დაბადების ადგილი: ქ. თბილისი.

დაამთავრა ქ. თბილისის 54-ე საშუალო სკოლა და თბილისის დიმიტრი არაყიშვილის სახელობის I სამუსიკო სასწავლებელი ფორტეპიანოს სპეციალობით 1956 წელს; თბილისის სახელმწიფო უნივერსიტეტის ისტორიის ფაკულტეტი 1962 წელს.

1965-1969 წწ. პედაგოგად მუშაობდა ქ. თბილისის მე-8 სამუსიკო სკოლაში; 1962-2006 წწ. ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტში, იყო ეთნოგრაფიაში სადისერტაციო საბჭოს სწავლული მდივანი, საქართველოს ეთნოგრაფიული ატლასის კომისიის მდივანი; 1968 წლიდან სხვადასხვა პერიოდში კითხულობდა ლექციების კურსს ეთნომუსიკოლოგიაში თბილისის სახელმწიფო უნივერსიტეტის ხელოვნების ფაკულტეტზე, ექვთიმე თაყაიშვილის სახელობის კულტურისა და ხელოვნების სახელმწიფო უნივერსიტეტში, თბილისის ვანო სარაჯიშვილის სახელობის სახელმწიფო კონსერვატორიაში და თბილისის სასულიერო აკადემიასთან არსებულ საეკლესიო გალობისა და სიმღერის უმაღლეს სასწავლებელში. 1990-2004 წწ. თბილისის ხალხური საკრავების მუზეუმის სწავლული მდივანი და შოთა რუსთაველის სახელობის თეატრალური ინსტიტუტის სადისერტაციო საბჭოს წევრი; მონაწილეობდა საერთაშორისო სიმპოზიუმებსა და კონფერენციებში, აქტიურად ატარებდა საველე კვლევებს ეთნოგრაფიისა და ეთნომუსიკოლოგიის დარგში: სვანეთის ეთნოგრაფიული ექსპედიცია (ხელმძღვანელი გ. ჩიტაია, 1963); ხევსურეთის კომპლექსური ეთნოგრაფიული ექსპედიცია (ხელმძღვანელი ვ. ბარდაველიძე, 1963); თუშეთისა და ხევის კომპლექსური ეთნოგრაფიული ექსპედიცია (ხელმძღვანელი ვ. ბარდაველიძე, 1966 ); მთიულეთ-გუდამაყრის ეთნოგრაფიული ექსპედიცია (ხელმძღვანელი ი. ჭყონია, 1967); ქვემო ქართლის ეთნოგრაფიული ექსპედიცია (ბოლნისისა და მარნეულის რაიონები, ხელმძღვანელი გ. ჯავახიშვილი, 1969); ქვემო ქართლის ეთნოგრაფიული ექსპედიცია (დმანისისა და თეთრიწყაროს რაიონები, ხელმძღვანელი გ. ჯავახიშვილი, 1970); ქვემო ქართლის ეთნოგრაფიული ექსპედიცია (გარდაბნისა და წალკის რაიონები, ხელმძ. ლ. ფრუიძე, 1971); გურიის ეთნოგრაფიული ექსპედიცია (ოზურგეთის და ჩოხატაურის რაიონები, ხელმძ. ჯ. რუხაძე, 1971); გურია-აჭარის ეთნოგრაფიული ექსპედიცია (ლანჩხუთისა და ქობულეთის რაიონები, ხელმძ. ლ. ფრუიძე, 1972). ეთნომუსიკოლოგიის საკითხების კვლევისთვის მ. შილაკაძე ახორციელებდა ინდივიდუალურ მივლინებებს საქართველოსა და ჩრდილო-კავკასიის სხვადასხვა რეგიონში. გამოქვეყნებული აქვს 100-მდე ნაშრომი ქართულ, გერმანულ და რუსულ ენებზე. ისტორიის მეცნიერებათა დოქტორი.

საკანდიდატო დისერტაციის თემა - "ქართული ხალხური საკრავიერი მუსიკა", დაიცვა 1967 წელს; სადოქტორო დისერტაციის თემა - "ქართულ-ჩრდილოკავკასიური ეთნოკულტურული ურთიერთობანი", დაიცვა 1991 წელს.

Member of Organizations

ეთნომუსიკოლოგთა საერთაშორისო საზოგადოება - The European Seminar in Ethnomusicology (ESEM), წევრი (1989-2010)

Bibliography

ტრადიციული სამუსიკო საკრავები და ქართულ-ჩრდილოკავკასიური ეთნოკულტურული ურთიერთობანი (Author). - თბილისი, კავკასიური სახლი, 2007. - 396გვ.
ისტორიულ-ეთნოგრაფიული შტუდიები : კრ. 7 (Compiler). - თბილისი, მეცნიერება, 2003. - 70გვ.
Грузинская народная инструментальная музыка : Сборник со вступительной статьей (Author). - Москва, Музыка, 1991. - 92с.
ეთნომუსიკოლოოგიის საგანი, მეთოდები და ამოცანები (Author). - თბილისი, მეცნიერება, 1991. - 48გვ.
ქართული ხალხური მუსიკალური ტრადიციები და თანამედროვეობა (Author). - თბილისი, მეცნიერება, 1988. - 46გვ.
ქართული ხალხური საკრავები და საკრავიერი მუსიკა (Author). - თბილისი, მეცნიერება, 1970. - 188გვ.