ნოდარ ელიზბარაშვილი

დაბადების ადგილი: ქ. ბათუმი. 

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ფიზიკური გეოგრაფიის სპეციალობით 1982 წელს. 1982-1986წწ. თბილისის სახელმწიფო უნივერსიტეტის ასპირანტურის კურსი გაიარა.

1985 წლიდან მუშაობს თბილისის სახელმწიფო უნივერსიტეტში. სალექციო კურსები: საქართველოს გეოგრაფია, გეოგრაფიის აქტუალური საკითხები, ლანდშაფტური დაგეგმარება, კავკასიისა და მეზობელი ქვეყნების გეოგრაფია, გეოგრაფიის საფუძვლები, გამოყენებითი გეოგრაფია; 1991 წელს - დოცენტის, ხოლო 2004 წელს - პროფესორის სამეცნიერო-პედაგოგიური წოდება; 1997-2003წწ. თბილისის მერიის მასწავლებელთა პრემიების მიმნიჭებელი ჟიურის წევრი, კომისიის თავმჯდომარე საქართველოს გეოგრაფიაში; 1998-2006წწ. თბილისის სახელმწიფო უნივერსიტეტში საქართველოს გეოგრაფიის კათედრის დამაარსებელი და საქართველოს გეოგრაფიის საუნივერსიტეტო სწავლების ორგანიზატორი, კათედრის გამგე; 2001 წლიდან სამეცნიერო ჟურნალის "საქართველოს გეოგრაფია" დამფუძნებელი და მთავარი რედაქტორი; 2001-2007წწ. მსოფლიო ბანკის სატყეო სექტორის განვითარების ცენტრის საკონსულტაციო ჯგუფის ხელმძღვანელი; 2002-2003წწ. საქართველოს პრეზიდენტთან არსებული განათლების საბჭოს წევრი; 2003 წლიდან კავკასიის რეგიონული ეკოლოგიური ცენტრის (REC Caucasus) ექსპერტი (მდგრადი ეკოლოგიური განვითარების საკითხებში); 2008 წლიდან კავკასიის ბიომრავალფეროვნების დაცვის საბჭოს (CBC, CEPF, WWF Caucasus) წევრი; 2009 წლიდან თბილისის სახელმწიფო უნივერსიტეტის გეოგრაფიის მასწავლებელთა პროფესიული განვითარების პროგრამის და სერტიფიკაციის ხელმძღვანელი; 2009 წლიდან საქართველოს გარემოს და ბუნებრივი რესურსების დაცვის სამინისტროს დაცული ტერიტორიების სააგენტოსთან მოქმედი "საქართველოს მთელ ტერიტორიაზე ბუნების ძეგლების აღრიცხვის, მათი მდგომარეობის აღწერის და შესაბამისი დაცვის რეჟიმის პერსპექტივის განმსაზღვრელი კომისიის" წევრი; 2010 წლიდან საერთაშორისო გეოგრაფიული კავშირის (IGU, G12.25, C16.25) ლანდშაფტური ანალიზისა და ლანდშაფტური დაგეგმარების კომისიის ხელმძღვანელი; 2012 წლიდან გაეროს გარემოს პროგრამის (UNEP): საქართველოს ეკოსისტემებისა და ბიომრავალფეროვნების ეკონომიკური შეფასება (TEEB) - განვითარების საკონსულტაციო საბჭოს წევრი; 2012 წლიდან საერთაშორისო სამეცნიერო ჟურნალის: GLOBAL ADVANCED RESEARCH JOURNAL OF GEOGRAPHY AND REGIONAL PLANNING სარედაქციო კოლეგიის წევრი; 2012 წლიდან Swiss National Science Foundation, The Mountain Research Initiative (Switzerland) ექსპერტი; 2014 წლიდან National Geographical Journal of India (NGJI) საერთაშორისო სარედაქციო კოლეგიის წევრი; 2014 წლიდან სამეცნიერო ჟურნალის: Geography of Mountain Regions მთავარი რედაქტორი; 2015 წლიდან საქართველოს საპატრიარქოს ფონდის "გაამწვანე საქართველო" ექსპერტი;  2015 წლიდან საერთაშორისო სამეცნიერო და საგანმანათლებლო თანამშრომლობის (ბერნის უნივერსიტეტთან) კოორდინატორი. მონაწილეობდა რამდენიმე საერთაშორისო კონფერენციაში. გეოგრაფიულ მეცნიერებათა დოქტორი. თბილისის სახელმწიფო უნივერსიტეტის რეგიონული გეოგრაფიის და ლანდშაფტური დაგეგმარების კათედრის გამგე.

საკანდიდატო დისერტაციის თემა - "ბუნებრივ-აგრარულ ტერიტორიულ კომპლექსთა მდგომარეობების შესწავლის საკითხები (საქართველოს მაგალითზე)", დაიცვა 1988 წელს; სადოქტორო დისერტაციის თემა - "მთიანი ტერიტორიების ლანდშაფტურ-ეკოლოგიური დაგეგმარების საფუძვლები (საქართველოს მაგალითზე)", დაიცვა 2003 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.116-117; თბილისის სახელმწიფო უნივერსიტეტი: tsu.ge

• აზიის კულტურული ლანდშაფტის ასოციაცია (ACLA) , აღმასრულებელი კომიტეტის წევრი (2012-)
• ეკოლოგ-მეცნიერთა ასოციაცია "კავკასიის ეკოსახლი", პრეზიდენტი (2003-)
• საქართველოს ეკოლოგიურ მეცნიერებათა აკადემია, წევრ-კორესპონდენტი (1999-)

• საქართველოს სოციალურ - ეკონომიკური გეოგრაფია : სასკოლო (IX კლასის) სახელმძღვანელო (Co-Author). - თბილისი, განათლება, 2005. - 144გვ.
• გეოგრაფია: ცნობარი (Co-Author). - თბილისი, ცისარტყელა, 2003. - 250გვ.
• გეოგრაფია: ცნობარი (Co-Author). - თბილისი, 2001. - 262გვ.
• საქართველოს გეოგრაფია : სახელმძღვანელო უმაღლესი სასწავლებლების სტუდენტებისათვის (Co-Author). - თბილისი, თსუ, 2000
• საქართველოს გეოგრაფია : სახელმძღვანელო აბიტურიენტებისათვის (Co-Author). - თბილისი, თსუ, 1999
• სახალისო გეოგრაფია : დამხმარე სახელმძღვანელო საშუალო სკოლის მოსწავლეთათვის (Co-Author). - თბილისი, განათლება, 1998. - 160გვ.
• საქართველოს ფიზიკური გეოგრაფია : სასკოლო (VIII კლასის) სახელმძღვანელო (Co-Author). - თბილისი, განათლება, 1996. - 200გვ.
• ლანდშაფტმცოდნეობა : სსახელმძღვანელო უმაღლესი სასწავლებლების სტუდენტებისათვის (Author). - თბილისი, თსუ, 1992