The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



დავით მაღრაძე

დავით მაღრაძე
დაბადების თარიღი:28 ივნისი, 1962  (59 წლის)
კატეგორია:თანამდებობის პირი, პოეტი, პოლიტიკოსი, საზოგადო მოღვაწე, ფილოლოგი

ბიოგრაფია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ქართული ფილოლოგიის ფაკულტეტი 1984 წელს.

1984-1985წწ. ჟურნალ "ნიანგის"; 1985-1991წწ. ჟურნალ "მნათობის" რედაქცია, რედაქტორ-ლიტ. მუშაკი; თბილისის სახელმწიფო უნივერსიტეტი, მეცნიერ-თანამშრომელი (1991); 1991-1992წწ. გაზეთი "ლიტერატურული საქართველო", მთავარი რედაქტორის მოადგილე; ჟურნალ "ცისკრის" რედაქცია, მთავარი რედაქტორი (1992); 1992-1995წწ. საქართველოს კულტურის სამინისტრო, კულტურის მინისტრი; 1999-2002წწ. საქართველოს მე-5 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: პარტიული სიით. მრავალი კრებულის ავტორი; ქალაქ კალაბრიაში (იტალია) დავით მაღრაძის შემოქმედება დაჯილდოვებულია პრემიით - "ანასილაოსი" და პრემიით – "ზინგარი"; რომში კი ჟიურის სპეციალური პრიზი გადაეცა, რომელიც "პოეტური გამოცემული კრებულის" კატეგორიაში იყო დაწესებული; იგი ასევე ლაურეატია "დონ ლუიჯი დილიეგროს" საერთაშორისო პრემიისა; პოეტს რომში თანამედროვე ხელოვნების აკადემიამ, წიგნისთვის "ექო", დიდი იტალიელი პოეტის, "ჯაკომო ლეოპარდის პირველი პრემია" – ოქროს მედალი გადასცა; 2011 წელს შვედეთის აკადემიამ ლიტერატურაში ნობელის პრემიის ნომინანტად აღიარა, ნობელის პრემიაზე დავით მაღრაძე შვეიცარიის სამმა ინსტიტუტმა წარადგინა, ნობელის კომიტეტს კი, საქართველოდან რეკომენდაციით მიმართა მწერალმა ჭაბუა ამირეჯიბმა. საქართველოს ახლანდელი ჰიმნის ტექსტის ავტორი.

წყარო: საქართველოს პარლამენტის ვებგვერდი: parliament.ge; რადიო თავისუფლება: radiotavisupleba.geipress.geსაქართველოს პარლამენტის წევრები 1990-2015/კობა ამირხანაშვილი.- თბ., 2015.- გვ.240

ორგანიზაციის, ასოციაციის ან ჯგუფის წევრი

  • საქართველოს მე-5 მოწვევის პარლამენტი, წევრი (1999-2002)
  • საქართველოს მე-5 მოწვევის პარლამენტის განათლების, მეცნიერების, კულტურისა და სპორტის კომიტეტი, წევრი (1999-2002)
  • საქართველოს მე-5 მოწვევის პარლამენტის ეროვნული თანხმობის დროებითი საპარლამენტო კომისია, წევრი (2000-2002)
  • საქართველოს მე-5 მოწვევის პარლამენტის ფრაქცია "საქართველოს მოქალაქეთა კავშირი", წევრი (1999-2002)
  • საქართველოს მე-5 მოწვევის პარლამენტის ძველი თბილისის ისტორიულ უბნებში შენობა-ნაგებობების რესტავრაციისა და ახალი მშენებლობების კანონიერების შემსწავლელი დროებითი საპარლამენტო კომისია, კომისიის თავმჯდომარე (2001-2002)
  • ქართული პენ-კლუბი, პრეზიდენტი

ჯილდოები, პრემიები და პრიზები

  • ღირსების ორდენი
  • საქართველოს სახელმწიფო პრემია

ბიბლიოგრაფია


გააზიარე: