სოსო ალიმბარაშვილი

დაბადების ადგილი: სოფელი ხიდისთავი, გორის რაიონი.

დაამთავრა ქ. გორის სახელმწიფო პედაგოგიური ინსტიტუტის ფილოლოგიის ფაკულტეტი 1984 წელს.

1989-2010წწ. მუშაობდა გორის რაიონის ტინისხიდის საჯარო სკოლის ისტორიის მასწავლებლად, ხოლო 1994-2010წწ. ამავე სკოლის დირექტორად; 2008 და 2010 წლებში ორჯერ დასახელდა გორისა და გორის რაიონის საუკეთესო პედაგოგად, იყო პრეზიდენტის სტიპენდიანტი პედაგოგი. დაჯილდოებულია საპატიო სიგელით "გორისა და ატენის ეპარქიის აღორძინების საქმეში შეტანილი მნიშვნელოვანი წვლილისათვის", 2020 წელს საქართველოს თეატრალური საზოგადოების მიერ გადაეცა დიმიტრი მეღვინეთხუცესიშვილის ჯილდო. 2019 წლიდან საქართველოს კათალიკოს-პატრიარქის ბრძანებით, საქართველოს საპატრიარქოს სოფლების ისტორიის შემსწავლელი სამეცნიერო ცენტრის წევრია.  

 2010 წლიდან მუშაობს გორის სახელმწიფო-სასწავლო უნივერსიტეტში, სტრატეგიული განვითარების და საბიუჯეტო, ადამიანური რესურსების მართვის სამსახურების უფროსის, კანცელარიის უფროსის თანამდებობაზე; 2016-2020 წლებში იყო ჰუმანიტარულ მეცნიერებათა ფაკულტეტის დეკანი. პარალელურად, კითხულობს ლექციებს უნივერსიტეტის ჰუმანიტარული ფაკულტეტის საბაკალავრო და სამაგისტრო საგანმანათლებლო პროგრამებზე საქართველოს ისტორიაში; 2012 წლიდან ამავე ფაკულტეტის ასისტენტ პროფესორია, 2013 წლიდან კი ასოცირებული პროფესორი. არის რამდენიმე ისტორიული რუკის, სახელმძღვანელოს, მონოგრაფიის, წიგნისა და 100-ზე მეტი სამეცნიერო სტატიის ავტორი. მისი ნაშრომები დაბეჭდილია, როგორც საქართველოს ავტორიტეტულ გამოცემებში, ასევე საზღვარგარეთ (უკრაინა, თურქეთი, მექსიკა, რუსეთი). ისტორიის აკადემიური დოქტორი.

სადისერტაციო თემა - "ლეკიანობა და ქართლ-კახეთის სამხედრო-თავდაცვითი სისტემა", დაიცვა 2013 წელს.

• ი. სტალინის სახელმწიფო მუზეუმის სამეცნიერო საბჭო, წევრი (2010-)
• ქ. გორის ისტორიულ-ეთნოგრაფიული მუზეუმის სამეცნიერო საბჭო , წევრი (2010-)

• 2011 - ისტორიის სერტიფიცირებული პედაგოდი
• 2010 - ქ. გორისა და გორის რაიონის საუკეთესო მასწავლებელი
• 2008 - ქ. გორისა და გორის რაიონის საუკეთესო მასწავლებელი
• საქართველოს პრეზიდენტის სტიპენდიანტი

• ხიდისთავის ისტორია (ავტორი). - გორი, გორის უნივერსიტეტის გამომცემლობა, 2022. - 310გვ.. - ISBN: 978-9941-8-3815-6
• შიდა ქართლის (გორის მაზრის) მოსახლეობა XIX საუკუნის პირველ ოცწლეულში რუსული კამერალური აღწერების მიხედვით (ავტორი). - გორი, გორის უნივერსიტეტის გამომცემლობა, 2021. - 688გვ.. - ISBN: 978-9941-8-2924-6
• ატენის "ქუეყანა" (ავტორი). - გორი, გორის უნივერსიტეტის გამომცემლობა, 2021. - 272გვ.. - ISBN: 978-9941-8-3816-3
• 85 წლის გზასაყარზე : გორის ისტორიულ-ეთნოგრაფიული მუზეუმის ისტორიიდან (ავტორი). - თბილისი, მერიდიანი, 2020. - 143გვ.. - ISBN: 978-9941-25-817-6
• გორის ნ. ბარათაშვილის სახელობის სახელმწიფო პედაგოგიური ინსტიტუტის ისტორიიდან : ისტორია-ფილოლოგიის ფაკულტეტი (ავტორი). - გორი, გორის უნივერსიტეტის გამომცემლობა, 2018. - 245გვ.
• ზედაველას ბრძოლები (ავტორი). - თბილისი, მერიდიანი, 2016. - ISBN: 978-9941-25-192-4
• დიმიტრი მეღვინეთხუცესიშვილი : ცხოვრება და მოღვაწეობა (ავტორი). - თბილისი, მერიდიანი, 2016. - ISBN: 978-9941-25-191-7
• საქართველო-კავკასიის ქვეყნების ურთიერთობის ისტორიიდან : უძვ. პერიოდიდან XIX ს. 60-იან წლებამდე (ავტორი). - თბილისი, საარი, 2014. - 274გვ.. - ISBN: 978-9941-427-95-4
• ოქონის ხატ[ებ]ისა და ტაძრ[ებ]ის ისტორია (ავტორი). - თბილისი, უნივერსალი, 2012. - 151გვ.. - ISBN: 978-9941-17-828-3
• ლეკიანობა აღმოსავლეთ საქართველოში (ავტორი). - თბილისი, უნივერსალი, 2011. - 266გვ.. - ISBN: 978-9941-17-387-5
• აღმოსავლეთ საქართველოს თავდაცვითი სისტემა XVIII საუკუნის II ნახევარში (ავტორი). - თბილისი, უნივერსალი, 2008. - 275გვ.. - ISBN: 978-9941-12-423-5
• ომარ-ხანის თავდასხმები საქართველოზე (ავტორი). - თბილისი, უნივერსალი, 2007. - 126გვ.. - ISBN: 978-9941-12-027-5
• ტინისხიდის ისტორია (ავტორი). - გორი, 2005. - 160გვ.