ვახტანგ ბერიძე

დაბადების ადგილი: ქ. ქუთაისი.

დაამთავრა ამიერკავკასიის ინდუსტრიული ინსტიტუტის სამშენებლო ფაკულტეტის არქიტექტურული განყოფილება 1936 წელს.

1935-1938 წწ. დაიწყო პედაგოგიური მოღვაწეობა, მუშაობდა საქართველოს ინდუსტრიულ ინსტიტუტში ლექტორად; 1939-1947 წწ. იყო საქართველოს თეატრალური ინსტიტუტის ლექტორი, დოცენტი; 1937-1941 წწ. თბილისის სამხატვრო აკადემიის ასისტენტი, ლექტორი, დოცენტი, პროფესორი; 1941-1948 წწ. საქართველოს მეცნიერებათა აკადემიის ქართული ხელოვნების ისტორიის ინსტიტუტის სწავლული მდივანი, 1948-1957 წწ. ამავე ინსტიტუტის დირექტორის მოადგილე. 1973-2000 წწ. აირჩიეს საქართველოს მეცნიერებათა აკადემიის გ. ჩუბინაშვილის სახელობის ქართული ხელოვნების ისტორიის ინსტიტუტის დირექტორად, ხოლო 1988 წელს საპატიო დირექტორად, 1997 წლიდან გარდაცვალებამდე იგი კვლავ ინსტიტუტის დირექტორი იყო. ვ. ბერიძის ნაშრომებში განხილულია ქართული ხელოვნების ისტორიის საკითხები ადრინდელი ფეოდალური ხანიდან დღემდე. მას ეკუთვნის თანამედროვე კრიტიკული ხასიათის წერილები, ნარკვევები, მონოგრაფიები გამოჩენილ ქართველ მხატვრებზე. მისი ნაშრომები გამოცემულია გერმანულ, იტალიურ, ინგლისურ და რუსულ ენებზე. იყო ერთ-ერთი მოთავე და ორგანიზატორი ქართული ხელოვნებისადმი მიძღვნილი საერთაშორისო სიმპოზიუმებისა (პირველი სიმპოზიუმი მოეწყო 1974 წელს და ტარდებოდა ყოველ სამ წელიწადში მონაცვლეობით იტალიასა და საქართველოში). ხელოვნებათმცოდნეობის დოქტორი, პროფესორი.

წყარო: ქართული საბჭოთა ენციკლოპეხდია: ტ. 2.-თბ.,1977.-გვ. 322; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.108; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.162

• საქართველოს მეცნიერებათა აკადემია, აკადემიკოსი (1974-)
• ქართული ენციკლოპედიის მთავარი სამეცნიერო საბჭო, თავმჯდომარე (1992-2000)
• ქართული საბჭოთა ენციკლოპედიის მთავარი სარედაქციო კოლეგია, წევრი

• 1994 - ღირსების ორდენი
• 1986 - თბილისის საპატიო მოქალაქე
• 1984 - ივანე ჯავახიშვილის სახელობის პრემია
• 1964 - საქართველოს მეცნიერებათა დამსახურებული მოღვაწე
• საქართველოს სახელმწიფო პრემია, მეცნიერებისა და ტექნიკის დარგში
  XVI-XVIII საუკუნეების ქართული საეკლესიო ხუროთმოძღვრება / ვახტანგ ბერიძე .-თბილისი : კანდელი, 1994.-511გვ.
• საპატიო ნიშნის ორდენი
• ექვთიმე თაყაიშვილის სახელობის პრემია

• XVI-XVIII საუკუნეების ქართული საეკლესიო ხუროთმოძღვრება (ავტორი). - თბილისი, კანდელი, 1994. - 511გვ.
• კულტურა და ხელოვნება დამოუკიდებელ საქართველოში (1918-1921 წლები (ავტორი). - თბილისი, მეცნიერება, 1992. - 32გვ.
• Место памятников Тао-Кларджети в истории грузинской архитектуры (ავტორი). - Тбилиси, Мецниереба, 1981. - 429с.
• Грузинская архитектура "раннехристианского" времени : IV-VII вв. (ავტორი). - Тбилиси, Мецниереба, 1974. - 38с.
• ძველი ქართული ხუროთმოძღვრება : ალბომი (ავტორი). - თბილისი, ხელოვნება, 1974. - 208გვ.
• ძველი ქართველი ოსტატები : ხუროთმოძღვრები, მხატვრები, ოქრომჭედლები და კალიგრაფისტები (ავტორი). - თბილისი, საბჭ. საქართველო, 1967. - 243გვ.
• სამცხის ხუროთმოძღვრება, XIII-XVI საუკუნეები (ავტორი). - თბილისი, საქ. სსრ მეცნ. აკად. გამ-ბა , 1955. - 268გვ.
• Тбилиси (ავტორი). - Москва, Архитектура и градостроительство, 1951. - 95с.