ნინო აბაშიძე

დაბადების ადგილი: სოფ. ვეჯინი, გურჯაანის რაიონი.

დაამთავრა თბილისის ივანე ჯავახიშვილის სახელობის უნივერსიტეტის ფარმაკო-ქიმიური ფაკულტეტი 1934 წელს.

პირველი მოთხრობა - "ალაზნის პირას" - გამოაქვეყნა 1947 წელს. 1953 წელს გამოვიდა კრებული: "მოთხრობები", 1963 წელს-"შეხვედრა თერგზე", 1974 წელს კიდევ "მოთხრობები" და სხვა. მისი ბოლო ნაწარმოები "დრო და სასჯელი", ეძღვნება კომუნისტური რეჟიმის პირობებში გადატანილ პირად  უდიდეს ტკივილს. მასში ასახულია 20-იანი წლების საქართველოს ისტორია; ეს იყო დევნა ქართველი თავად-აზნაურობისა, მათი სრული განადგურების მიზნით. აღნიშნული ნაწარმოები მისი გარდაცვალების შემდეგ დაიბეჭდა ჟურნალ "კლდეკარში"(1997,2(11)). ნინო აბაშიძე იყო პირდაპირი შთამომავალი კრწანისის ომის გმირის, იოანე კახთ-აბაშიძისა. ისტორიულ ფაქტებზე დაყრდნობით,  მას შექმნილი აქვს მოთხრობები ილია ჭავჭავაძეზე, დავით გურამიშვილსა და ლესია უკრაინკაზე.

• საქართველოს მწერალთა კავშირი, წევრი (1953-1997)

• ერთი დღე დროთა ბრუნვაში : მოთხრობები (ავტორი). - თბილისი, მერანი, 1987. - 131გვ.
• შეხვედრა თერგზე : მოთხრობები (ავტორი). - თბილისი, ნაკადული, 1983. - 170გვ.
• ალაზნის პირას : მოთხრობები (ავტორი). - თბილისი, ნაკადულლი, 1969. - 214გვ.
• მოთხრობები (ავტორი). - თბილისი, სახელგამი, 1953. - 205გვ.