გიორგი გეხტმანი

დაბადების ადგილი: ქ. ქუთაისი.

დაამთავრა ხარკოვის უნივერსიტეტი 1895 წელს.

იყო ჟურ. "ნაკადულისა" და საქართველოს გეოგრაფიული საზოგადოების ერთ-ერთი დამაარსებელი. 1918-1919 წწ. იყო თბილისის პირველი კომერციული სასწავლებლის დირექტორი. 1920 წლის პირველი დეკემბრიდან, თბილისის სახელმწიფო უნივერსიტეტის პროფესორთა საბჭოს გადაწყვეტილებით დაინიშნა სამეურნეო ეკონომიის ლექტორად. 1923-1956წწ. იყო თბილისის სახელმწიფო უნივერსიტეტის ეკონომიკური გეოგრაფიის კათედრის გამგე, პროფესორი (1923), გეოგრაფიულ მეცნიერებათა დოქტორი (1940). მისი მოღვაწეობა მჭიდროდაა დაკავშირებული საქართველოში საბიბლიოთეკო საქმის განვითარებასთან. 1923-1930წწ. იყო საჯარო ბიბლიოთეკის დირექტორი. მისი დირექტორობის პერიოდში შეიქმნა ბიბლიოთეკის ფონდების ორგანიზაციის სტრუქტურა და განხორციელდა ფონდების ფორმატულ-ინვენტარული განლაგება ენების მიხედვით. მისი მეცადინეობით, ბიბლიოთეკას გადაეცა სათავადაზნაურო ბანკის შენობა (დღეს I კორპუსი). იყო მოწინააღმდეგე ბიბლიოთეკის გახსნისა 1921 წლის 25 თებერვალს, შეეკამათა განათლების სახალხო კომისარს, რის გამოც გაათავისუფლეს. 1923-1956წწ. იყო საქართველოს სასოფლო-სამეურნეო ინსტიტუტის ეკონომიკის კათედრის გამგე. საქართველოს ეკონომიკური დარაიონების ბადის ერთ-ერთი ავტორი. 1925 წელს გამოსცა ნაშრომები "მსოფლიო ეკონომიური გეოგრაფია" და "საქართველოს ეკონომიური გეოგრაფია". ეკონომ-გეოგრაფი.

წყარო: საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ. 91; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.129

• თბილისის სკოლების კლასგარეშე განათლების საზოგადოება, საპატიო წევრი (1910-)
• საქართველოს გეოგრაფიული საზოგადოება, დამაარსებელი

• ლენინის ორდენი

• ნარკვევები გეოგრაფიის ისტორიიდან (ავტორი). - თბილისი, თბილ. უნ-ტის გამ-ბა, 1955. - 466გვ.
• მოკლე ფიზიკურ-გეოგრაფიული სიტყვარ-ცნობარი (ავტორი). - თბილისი, დაწყებითი და საშუალო სკოლის სამეცნ.-საკვ. ინ-ტი, 1940. - 316გვ.
• სოფლის მეურნეობის ეკონომია : ნარკვევი (ავტორი). - ტფილისი, ტფილ. უნ-ტის გა-მა, 1928. - 204გვ.
• მსოფლიო ეკონომიური გეოგრაფია (ავტორი). - ტფილისი, ს.ს.ს.რ. სახელმწიფო გამომცემლობა, 1925. - 406გვ.
• საქართველოს ეკონომიური გეოგრაფია (ავტორი). - ტფილისი, ზაკკნიგა, 1925. - 209გვ.