თამრი ფხაკაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1979 წელს. 

1980-2006წწ. მუშაობდა ქართული ლიტერატურის ინსტიტუტის ძველი ქართული ლიტერატურის განყოფილებაში; 1997-2003წწ. საბავშვო ჟურნალ "კოკროჭინა" - რედკოლეგიის წევრი. 2005-2006წწ.  საზოგადოებრივი ტელემაუწყებლისათვის მხატვრული და დოკუმენტური ფილმების გახმოვანება "ინტერნიუსში" ტექსტების რედაქტორი; 2006-2007წწ. გამომცემლობა "პალიტრა-L"-ის რედაქტორი; 2007-2008წწ. ტელეარხი "რუსთავი 2"-ის ქართული სერიალის სცენარისტი; 2007-2008წწ. გაზეთი "24 საათი"-ს საბავშვო გვერდის ავტორი; 2008-2009წწ. საზოგადოებრივი ტელემაუწყებელის იუმორისტული გადაცემა "ერისთავის სათვალე" - სცენარისტი; 2010-2011წწ. გამომცემლობა "პეგასი" - მთავარი რედაქტორი. 2011 წლიდან  "საგამომცემლო სახლი ტრიასი" - მთავარი რედაქტორი; 2011 წლიდან ნოდარ დუმბაძის სახელობის მოზარდმაყურებლის თეატრის ჟურნალ "მოზArt"-ის სარედაქციო ჯგუფის წევრი; 2001 წელს გამოქვეყნდა მისი პირველი მოთხრობები. არის გამომცემლობა "ტრიასის" მთავარი რედაქტორი. 2012 წლის მარტში თ. ფხაკაძე იყო ლიტერატურული საიტის  "ურაკპარაკის" კონკურსის "ლიტბუნიობა" (პროზა) ჟიურის წევრი. არის თეატრალური დადგმების ავტორი: "ხავსისქუდას ოინები" (2005), "გაფრენა" (2009), "ბოსტანი კონფლიქტის ზონაში" (2010), მოთხრობა "ომი თუ მშვიდობა" დაიდგა მინი-სპექტაკლად "წიგნის სახლში" დავით დეფი გოგიბედაშვილის და თამრი ფხაკაძის მონაწილეობით; მიღებული აქვს არაერთი სალიტერატურო პრემია, მათ შორის "საბა" და "ოქროს ბუმბული"; არის გამომცემლობა დიოგენეს კონკურსის "საბავშვო პროზა-96" გამარჯვებული (1996), ლიტერატურული კონკურსი "ლუარსაბ თათქარიძის"  მეორე პრემიის მფლობელი
(ნოველა "ჟამი არს რისა?", 2001), გამომცემლობა დიოგენეს კონკურსის "პენ-მარათონი 2002" მესამე პრემიის მფლობელი
(მოთხრობა "გაკვეთილი", 2002), ასოციაცია "კვალის" სალიტერატურო კონკურსის გამარჯვებული (მოთხრობა "ორმაგი დღე", 2003). 2013 წელს რუსთავის დრამატულმა თეატრმა დადგა ორი სპექტაკლი : მაკნატუნა" და "ბოსტანი კონფლიქტის ზონაში".

საკანდიდატო დისერტაციის თემა - "დავით ჯიმშერის ძე ჩოლოყაშვილის ცხოვრება და შემოქმედება".

წყარო: მოსწავლე ახალგაზრდობის ეროვნული სასახლე: საბავშვო მწერლები: tsignipedia.ge; kids.ge

• 2004 - ლიტერატურული პრემია "საბა", წლის საუკეთესო დებიუტი (გამარჯვებული)
  სანამ დაგვიძახებენ : კრებული/ თამრი ფხაკაძე. - თბილისი : დიოგენე, 2003. - 286გვ.

• ანბანთქება : ლექსებად აკინძული ანბანი (ავტორი). - თბილისი, პალიტრა L, 2012. - 36გვ.
• გიო აფრიკაში (ავტორი). - თბილისი, პალიტრა L, 2011. - 25გვ.. - ISBN: 978-9941-413-59-9
• მხიარული მატარებელი (ავტორი). - თბილისი, პალიტრა L, 2011. - 25გვ.. - ISBN: 978-9941-19-283-8
• ჯუნგლები სამ განზომილებაში (ავტორი). - თბილისი, პალიტრა L, 2011. - 10გვ.. - ISBN: 978-9941-19-078-0
• გლობუსას და ლუკას თავგადასავალი (ავტორი). - თბილისი, პეგასი, 2011. - 104გვ.. - ISBN: 978-9941-9179-8-1
• ბოსტანი კონფლიქტის ზონაში : მოთხრობა (ავტორი). - თბილისი, შემეცნება, 2010. - 56გვ.. - ISBN: 978-9941-9109-2-0
• CV : რომანი (ავტორი). - თბილისი, შემეცნება-სერია ცა, 2009. - 359გვ.. - ISBN: 978-9941-9108-4-5
• ხაჭაპური : საბავშვო ლექსების კრებული (ავტორი). - თბილისი, პალიტრა L, 2007. - 95გვ.
• ჩვენ სამნი და ანგელოზი : რომანი (ავტორი). - თბილისი, ბაკურ სულაკაურის გამ-ბა, 2007. - 220გვ.. - ISBN: 978-99940-998-9-4
• გაფრენა : პიესა-წარმოდგენა 2 მოქმედებად (ავტორი). - თბილისი, აბული-7, 2007. - 71გვ.. - ISBN: 978-99940-69-26-2
• ვნებანი : მოთხრობები (ავტორი). - თბილისი, პალიტრა L, 2006. - 191გვ.. - ISBN: 99940-53-32-9