კოტე ბაქრაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1922 წელს.

1923-1925 წლებში იმყოფებოდა სამეცნიერო მივლინებით გერმანიაში. მუშაობდა ჰუსერლთან, რიკერტთან, ჰაიდეგერთან. 1930 წლიდან თსუ-ს პროფესორია. წლების მანძილზე ხელმძღვანელობდა ფილოსოფიის ისტორიისა და ლოგიკის კათედრებს. კვლევის ძირითადი სფერო - ფილოსოფიის ისტორია, ლოგიკა, შემეცნების თეორია. დიდი ღვაწლი მიუძღვის გერმანული დიალექტიკის ისტორიის საკითხების დამუშავებაში. კ. ბაქრაძე იყო ფილოსოფიური სკოლების - ნეოკანტიანელობის, ფენომენოლოგიის, პრაგმატიზმის, ეგზისტენციალიზმის ცნობილი მკვლევარი. სიცხადე შეიტანა ფილოსოფიის ბევრი ძირითადი ცნებისა და თეორიის გაგებაში. პირველმა ყოფილ საბჭოთა კავშირში გამოაქვეყნა ლოგიკის სახელმძღვანელო (1946). მის შრომებში გამოკვლეულია მარქსისტული შემეცნების თეორიის ისეთი საკვანძო საკითხები, როგორიცაა ჭეშმარიტების ობიექტურობის პრობლემა, ჭეშმარიტების კრიტერიუმის პრობლემა და სხვა.

წყარო: ქართული საბჭოთა ენციკლოპედია: ტ.2-თბ.,1977.-გვ.241; XX საუკუნის ქართული ფილოსოფიის ანთოლოგია. ტ. 1. ნაკვ. 2 / შემდგ. ე. კოდუა.-თბ.,1999.-გვ.3-4

• საქართველოს მეცნიერებათა აკადემია, აკადემიკოსი (1969-)

• 1943 - საქართველოს მეცნიერებათა დამსახურებული მოღვაწე
• შრომის წითელი დროშის ორდენი

• პრაგმატიზმი : დამხმ. სახელმძღვ. უნ-ტის ფილოსოფ. ფაკ-ტის სტუდ. (ავტორი). - თბილისი, განათლება, 1965. - 123გვ.
• ფილოსოფიის ისტორია : სახელმძღვ. არაფილოს. ჰუმანიტარული ფაკ-ტის სტუდ. (ავტორი). - თბილისი, თბილ. უნ-ტის გამ-ბა , 1962. - 557გვ.
• ლოგიკა (ავტორი). - თბილისი, საქ. პედაგოგიკურ მეცნიერებათა ინს-ტის გამ-ბა, 1946. - 276გვ.
• სისტემა და მეთოდი ჰეგელის ფილოსოფიაში (ავტორი). - ტფილისი, სახ. უნ-ტი, 1936. - 358გვ.
• დიალექტიკის პრობლემა გერმანულ იდეალიზმში (ავტორი). - ტფილისი, ტფილ. უნ-ტის გა-მა, 1929. - 202გვ.