გურამ გველესიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1950 წელს.

1953 წელს მუშაობა დაიწყო რუსეთის მეცნიერებათა აკადემიის ა. ბაიკოვის სახ. მეტალურგიის ინსტიტუტის ფერადი და იშვიათი ლითონების მეტალურგიის ლაბორატორიაში. 1957 წლიდან გადმოყვანილ იქნა სამუშაოდ საქართველოს მეცნიერებათა აკადემიის მეტალურგიის ინსტიტუტში, სადაც მან გაიარა გზა უფროსი მეცნიერი თანამშრომლიდან სამეცნიერო დარგში ინსტიტუტის დირექტორის მოადგილის თანამდებობამდე. გ. გველესიანის სამეცნიერო მოღვაწეობა ძირითადად მოიცავდა თანამედროვე მეტალურგიისა და ფიზიკური ქიმიის ისეთ უმნიშვნელოვანეს სფეროებს, როგორიცაა მეტალურგიული პროცესების თეორია, მყარ არაორგანულ ნივთიერებათა თერმოდინამიკა და ძნელდნობადი მასალების მიკრომეტალურგია. მან საფუძველი ჩაუყარა საქართველოში მეტალურგიული პროცესების ფიზიკური ქიმიის განვითარებას. იგი არის 200–მდე სამეცნიერო ნაშრომის, 4 მონოგრაფიის, 2 სახელმძღვანელოსი და რამდენიმე გამოგონების ავტორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ..-თბ.,2012.-გვ.256; science.org.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.105

• საქართველოს მეცნიერებათა აკადემია, აკადემიკოსი (1988-)

• 1998 - ღირსების ორდენი
  ქართული ტექნიკური მეცნიერების განვითარებაში შეტანილი პირადი დიდი წვლილისა, ნაყოფიერი პედაგოგიური და საზოგადოებრივი მოღვაწეობისათვის
• 1993 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
• 1992 - პეტრე მელიქიშვილის სახელობის პრემია
• 1984 - გიორგი ნიკოლაძის სახელობის პრემია

• ნახევრად გამტარი მასალების ტექნოლოგია : სახელმძღვ. პოლიტექნ. ინ-ტის სტუდენტებისათვის (ავტორი). - თბილისი, განათლება, 1976. - 354გვ.
• ტუტემიწა ლითონების ალუმინატების თერმოდინამიკური ფუნქციები (თანაავტორი) // საქართველოს სსრ მეცნიერებათა აკადემიის მოამბე, ტ. 58. - თბილისი, 1970. - გვ.625-628
• სამარიუმის ჟანგის ცერითერმული აღდგენა (თანაავტორი) // საქართველოს სსრ მეცნიერებათა აკადემიის მოამბე, ტ. 42. - თბილისი, 1966. - გვ.151-158