The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



ზაზა ალექსიძე

ზაზა ალექსიძე
დაბადების თარიღი:18 ოქტომბერი, 1935  (83 წლის)
კატეგორია:ისტორიკოსი, მეცნიერი, პედაგოგი

ბიოგრაფია

დაბადების ადგილი: ქ. თელავი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1958 წელს.

1958-1968წწ. იყო ხელნაწერთა ინსტიტუტის მეცნიერ-თანამშრომელი; 1968-1979წწ. ისტორიის, არქეოლოგიისა და ეთნოგრაფიის ინსტიტუტის უფროსი მეცნიერ-თანამშრომელი; 1979-2006წწ. თბილისის სახელმწიფო უნივერსიტეტის არმენოლოგიის კათედრის გამგე; 1986-1988წწ. საქართველოს მეცნიერებათა აკადემიის აღმოსავლეთმცოდნეობის ინსტიტუტის წამყვანი მეცნიერ-თანამშრომელი, შეთავსებით ტექსტოლოგიის განყოფილების გამგე; 1989-1991წწ. თბილისის სასულიერო აკადემიის პროფესორი; 1988-2006წწ. კ. კეკელიძის სახელობის ხელნაწერთა ინსტიტუტის დირექტორი; 2002-2004წწ. საქართველოს მეცნიერებათა აკადემიის ენისა და ლიტერატურის განყოფილების აკადემიკოს-მდივნის მოვალეობის შემსრულებელი, პრეზიდიუმის წევრი; 2006-2007წწ. ხელნაწერთა ინსტიტუტის სამეცნიერო განყოფილების გამგე; 2007 წლიდან ხელნაწერთა ეროვნული ცენტრის კოდიკოლოგიისა და ტექსტოლოგიის განყოფილების გამგე; 2007 წლიდან  თბილისის სახელმწიფო უნივერსიტეტის სრული პროფესორი და არმენოლოგიის პროგრამის ხელმძღვანელი. არის 130 სამეცნიერო ნაშრომისა და 15 წიგნის ავტორი.

საკანდიდატო დისერტაციის თემა- "ეპისტოლეთა წიგნი", დაიცვა 1969 წელს; სადოქტორო დისერტაციის თემა- "ადრეული შუასაუკუნეების კავკასიისა და საქართველოს კულტურისა და იდეოლოგიის პრობლემები", დაიცვა 1984 წელს.

წყარო: საქართველოს მეცნიერებათა ეროვნული აკადემია: science.org.ge

ორგანიზაციის, ასოციაციის ან ჯგუფის წევრი

  • გელათის მეცნიერებათა აკადემია, დამფუძნებელი წევრი (1995-)
  • საქართველოს მეცნიერებათა ეროვნული აკადემია, აკადემიკოსი (2013-)
  • საქართველოს მეცნიერებათა ეროვნული აკადემია, წევრ-კორესპონდენტი (1997-)
  • საქართველოს მეცნიერებათა ეროვნული აკადემიის აკადემიური საბჭო, წევრი

ჯილდოები, პრემიები და პრიზები

  • 2002 - ღირსების ორდენი

ბიბლიოგრაფია


გააზიარე: