ავლიპ ზურაბაშვილი

დაბადების ადგილი: სოფელი ბოდბისხევი, სიღნაღის მუნიციპალიტეტი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1927 წელს.

1927-1931წწ. მუშაობდა თბილისის სახელმწიფო უნივერსიტეტის სამკურნალო ფაკულტეტის ფსიქიატრიის კლინიკაში, 1931-1938წწ.  ლენინგრადში, ს. კიროვის სახელობის სამხედრო-სამედიცინო აკადემიის ფსიქიატრიის კლინიკაში. ამავე დროს მუშაობდა აკადემიკოს ვ. ბეხტერევის სახელობის ტვინის ინსტიტუტში, აკადემიკოს ი. პავლოვის სახელობის ფიზიოლოგიის ინსტიტუტსა და ექსპერიმენტული მედიცინის საკავშირო ინსტიტუტში. 1938-1950წწ. იყო საქართველოს მეცნიერებათა აკადემიის ფიზიოლოგიის ინსტიტუტის მორფოლოგიური განყოფილების ხელმძღვანელი, 1938-1964წწ. თბილისის სამედიცინო ინსტიტუტის ფსიქიატრიის კათედრის გამგე. 1938 წლიდან საქართველოს ჯანდაცვის სამინისტროს მ. ასათიანის სახელობის ფსიქიატრიის სამეცნიერო კვლევითი ინსტიტუტის დირექტორი. ა. ზურაბაშვილი საქართველოში თავის ტვინის კვლევის ევოლუციური მიმართულების ერთ-ერთი ფუძემდებელია. მისი გამოკვლევები ძირითადად ეხება კლინიკური ფსიქიატრიისა და ნეირომორფოლოგიის საკითხებს. 

წყარო: ქართული საბჭოთა ენციკლოპედია: ტ. 4.-თბ., 1979.-გვ.544

• დიდი ბრიტანეთისა და შვედეთის სამეფო სამედიცინო საზოგადოებები, საპატიო წევრი
• თბილისის საპატიო მოქალაქე (-1983)
• საქართველოს მეცნიერებათა აკადემია, აკადემიკოსი (1955-1994)
• სსრკ მედიცინის მეცნიერებათა აკადემია, აკადემიკოსი (1960-1994)
• ტვინის შემსწავლელი საერთაშორისო ორგანიზაცია, წევრი (1962-)
• ფინეთის, საფრანგეთის, აშშ-ს სამედიცინო საზოგადოებებისა მრავალი სამეცნიერო ასოციაცია, წევრი
• ჩეხოსლოვაკიის, უნგრეთის და ბულგარეთის აკადემიები, საპატიო წევრი

• 1983 - თბილისის საპატიო მოქალაქე
• 1963 - ვ. ბეხტერევის სახელობის პრემია
  ფსიქიატრიის თეორიული პრობლემების დამუშავებისათვის
• 1955 - ივანე თარხნიშვილის სახელობის პრემია
  სინაფსოარქიტექტონიკაში გამოკვლევებისათვის
• ლენინის ორდენი

• ფსიქიატრია : სახელმძღვ. სამედ. ინ-ტის სტუდ. (ავტორი). - თბილისი, განათლება, 1980. - 358გვ.
• ტვინი და ფსიქიკური დაავადებანი : დამხმ. სახელმძღვ. სამედ. ინ-ტის სტუდენტთათვის (ავტორი). - თბილისი, განათლება, 1968. - 382გვ.
• ზოგიერთი კლინიკურ თეორიული ძიება ფსიქიატრიაში (ავტორი). - თბილისი, საბჭ. საქართველო, 1965. - 234გვ.
• შიზოფრენიის თეორიისა და პრაქტიკის თანამედროვე საკითხები (ავტორი). - თბილისი, საბჭ. საქართველო, 1962. - 242გვ.
• ნარკვევები ცენტრალური ნერვული სისტემის ნატიფი მორფოლოგიის შესახებ (ავტორი). - თბილისი, საქ. სსრ მეცნ. აკად. გამ-ბა, 1960. - 355გვ.