კირიაკ ზავრიევი

დაბადების ადგილი: ქ. თბილისი.

დაამთავრა პეტერბურგის მიმოსვლის გზათა ინჟინრების ინსტიტუტი 1914 წელს. 1914-1915წწ. ეწეოდა სამეცნიერო-პედაგოგიურ მოღვაწეობას პეტერბურგის მიმოსვლის გზათა ინჟინრების ინსტიტუტში; 1918-1919წწ. - ოდესის, 1921-1930წწ. - თბილისის სახელმწიფო პოლიტექნიკურ ინსტიტუტებში. 1931-1959წწ. მუშაობდა თბილისის რკინიგზის ტრანსპორტის ინჟინერთა ინსტიტუტში. 1947 წლიდან გარდაცვალებამდე სამშენებლო მექანიკისა და სეისმომედეგობის ინსტიტუტის დირექტორი იყო.  ხელმძღვანელობდა ბეტონის სპეციალისტთა ამიერკავკასიის სკოლას. ავტორია რუსეთსა და ამიერკავკასიაში აგებული მრავალი დიდი ხიდის პროექტებისა. მისი მთავარი შრომები ეხება ნაგებობათა თეორიას. საფუძველი ჩაუყარა მრღვევი დატვირთვების მიხედვით ნაგებობათა გაანგარიშების მეთოდსა და სეისმომედეგობის დინამიკის თეორიას, მან პირველმა დაასაბუთა სეისმომედეგი ქვის ნაგებობათა მშენებლობის შესაძლებლობა და დაამუშავა შენობათა ანტისეისმური სარტყლები. დიდი ღვაწლი მიუძღვის მსუბუქი რკინა-ბეტონის კონსტრუქციების დამუშავებასა და დანერგვაში.

წყარო: ქართული საბჭოთა ენციკლოპედია: ტ.4.-თბ.,1979.-გვ.471; კარგ ქართველთა საფლავები: geonecropol.ge

• აშშ-ის წინასწარდაძაბული რკინა-ბეტონის ინსტიტუტი, წევრი (1957-)
• საქართველოს მეცნიერებათა აკადემია, აკადემიკოსი (1941-)

• 1941 - საქართველოს სსრ მეცნიერების და ტექნიკის დამსახურებული მოღვაწე
• ლენინის ორდენი

• ნაგებობათა სეისმომედეგობა (ავტორი). - თბილისი, მეცნიერება, 1980. - 324გვ.
• ნაგებობათა ანგარიში ზღვრული მდგომარეობის მეთოდით (ავტორი). - თბილისი, საქ. სსრ მეცნ. აკად. გამ-ბა, 1950. - 24გვ.
• ნაგებობათა წინაღობა (ავტორი) // წ. 2. - თბილისი, ტექნიკა და შრომა, 1949. - 230გვ.
• ნაგებობათა წინაღობა (ავტორი) // წ. 1. - თბილისი, ტექნიკა და შრომა, 1948. - 232გვ.