რამაზ ხუროძე

დაბადების ადგილი: ქ. თბილისი.

დაამთავრა საქართველოს პოლიტექნიკურო ინსტიტუტის ავტომატიკისა და გამოთვლითი ტექნიკის ფაკულტეტი 1966 წელს.

1972-1981 წლებში იყო საქართველოს მეცნიერებათა აკადემიის ა. ელიაშვილის სახელობის მართვის სისტემების ინსტიტუტის უმცროსი და უფროსი მეცნიერი თანამშრომელი და აკადემიის პრეზიდიუმის  გამოთვლითი ტექნიკის  კომიისის სწავლული მდივანი. საქართველოს რესპუბლიკისა და თბილისის მეცნიერებათა და სასწავლო დაწესებულებების ხელმძღვანელი ორგანოების თანამშრომელი, 1982-1989 წლებში - საქართველოს კომპარტიის ცენტრალური კომიტეტის ინსტრუქტორი, 1986-1987წწ. საქართველოს კომპარტიის თბილისის კომიტეტის მეცნიერებისა და სასწავლებლების განყოფილების გამგე, 1987-1988წწ. მუშაობდა საქართველოს უმაღლესი და საშუალო სპეციალობის განათლების მინისტრის პირველი მოადგილედ, 1988-1991წწ. საქართველოს განათლების მინისტრის მოადგილე, პირველი მოადგილე, 1991–1993წწ. საქართველოს ტექნიკური უნივერსიტეტის პრორექტორი კადრებისა და კომერციული საქმიანობის დარგში. იმავე წელს არჩეულ იქნა ავტომატიკისა და ტელემექანიკის კათედრის დოცენტად. 1993-2006წწ. საქართველოს ტექნიკური უნივერსიტეტის რექტორი. სტუ–ს სრული პროფესორი. მრავალი სამეცნიერო ნაშრომის, სასწავლო სახელმძღვანელოსა და მონოგრაფიის ავტორი. საკანდიდატო დისერტაცია დაიცვა 1975 წელს გამოთვლითი ტექნიკის დარგში. ტექნიკის მეცნიერებათა დოქტორი, პროფესორი. ახალგაზრდა კადრების აღზრდისა და მომზადების საქმეში შეტანილი განსაკუთრებული ღვაწლისთვის მიღებული აქვს საქართველოს პრეზიდენტის ოქროს მედალი - "საქართველოს წარჩინებულ მოღვაწეს" (2000); იგი კანონიერად ითვლება საქართველოში მართვის სისტემების ანალოგურ მოწყობილობათა საიმედოობის მეცნიერული მიმართულების ერთ-ერთ ფუძემდებლად. ამ კუთხით მას გამოქვეყნებული აქვს 88-ზე მეტი ნაშრომი, მათ შორის, 15 მონოგრაფია, 13 სახელმღვანელო და 3 გამოგონება; მისი შრომები გამოქვეყნებულია არა მარტო საქართველოში, არამედ საზღვარგარეთ – რუსეთში, უკრაინაში, აშშ, გერმანიაში, ჰოლადიაში, ბელგიასა და სხვა; იგი უცხოეთის მრავალი ქვეყნის სამეცნიერო საზოგადოების ნამდვილი წევრია. 2003 წელს პროფესორი რ. ხუროძე Sigma Xi, the scientific Research Society-ის წევრად აირჩიეს. ტექნიკის მეცნიერებათა დოქტორი (1997), პროფესორი (1997).

სადოქტორო დისერტაციის თემა -"ანალოგიური ინფორმაციის შეგროვებისა და გარდაქმნის მოწყობილობათა საიმედოობის კომპლექსური შეფასება და მისი ამაღლების მეთოდები", დაიცვა 1997 წელს.

წყარო: საქართველოს მეცნიერებათა ეროვნული აკადემია: science.org.ge; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.112; საქართველოს ტექნიკური უნივერსიტეტი: gtu.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.93;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• გაეროს ინფორმატიზაციის აკადემია, ნამდვილი წევრი
• ევროპის მეცნიერებათა აკადემია, ნამდვილი წევრი
• რუსეთის საბუნებისმეტყველო აკადემია, წევრი
• რუსეთის საინჟინრო აკადემია, ნამდვილი წევრი
• რუსეთის საინჟინრო აკადემია, აკადემიკოსი
• საერთაშორისო საინჟირნო აკადემია, ნამდვილი წევრი
• საქართველოს მეცნიერებათა ეროვნული აკადემია, აკადემიკოს-მდივანი (2019-)
• საქართველოს მეცნიერებათა ეროვნული აკადემია, წევრ-კორესპონდენტი (2001-)
• საქართველოს მეცნიერებათა ეროვნული აკადემია, ვიცე-პრეზიდენტი (2023-)
• საქართველოს საინჟინრო აკადემია, ნამდვლი წევრი

• 2000 - საქართველოს პრეზიდენტის ოქროს მედალი - "საქართველოს წარჩინებულ მოღვაწეს".
  ახალგაზრდა კადრების აღზრდისა და მომზადების საქმეში შეტანილი განსაკუთრებული ღვაწლისთვის
• 1998 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1992-1997 წლებში შესრულებული სამუშაოსათვის - ''ეფექტიანი ავტოგაზგასამართი საკომპრესორო სადგური ახალი თაობის კომპრესორებით''.
• 1998 - ღირსების ორდენი
  ქართული ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი თვალსაჩინო პირადი წვლილისათვის

• ნეიროინფორმატიკის საფუძვლები : სახელმძ სტუდენტებისათვის (თანაავტორი) // ნაწ. 1. - თბილისი, ტექნ. უნ-ტი, 2005. - 144გვ.. - ISBN: 99940-35-65-7
• საქართველოს ტექნიკური უნივერსიტეტი 80 წლისაა,1922-2002 : ფოტომატიანე (რედაქტორი). - თბილისი, ტექნ. უნ-ტი, 2002. - 202. - ISBN: 99928-903-6-3
• ახალ დროს ახალი ადამიანები ქმნიან (ავტორი). - თბილისი, ტექნ. უნ-ტი, 2002. - 56გვ.. - ISBN: 99928-902-8-2
• ამომცნობი სისტემების თეორიის საფუძვლები (თანაავტორი). - თბილისი, ტექნ. უნ-ტი, 2001. - 296გვ.. - ISBN: 99928-880-1-6