The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



ეთერ ქემერტელიძე

ეთერ ქემერტელიძე
დაბადების თარიღი:23 მარტი, 1926  (93 წლის)
კატეგორია:მეცნიერი, ქიმიკოსი

ბიოგრაფია

დაბადების ადგილი: ქ. საჩხერე.

დაამთავრა თბილისის სახელმწიფო ფარმაცევტული ინსტიტუტი 1946 წელს.

1946-1949 წლებში იყო თბილისის სახელმწიფო ფარმაცევტული ინსტიტუტის წამლის ფორმათა და გალენური პრეპარატების კათედრის უფროსი ლაბორანტი, 1948-1953 წლებში - თბილისის ქიმიურ-ფარმაცევტული სამეცნიერო-კვლევითი ინსტიტუტის ასპირანტი, 1951-1953 წლებში - ამავე ინსტიტუტის ფარმაქიმიკოსი, 1953–1960 წლებში იყო საქართველოს იოველ ქუთათელაძის სახელობის ფარმაკოქიმიის ინსტიტუტის უმცროსი მეცნიერ თანამშრომელი,  1958-1961 წლებში - უფროსი მეცნიერ თანამშრომელი,  1961 წლიდან - ინსტიტუტის ფიტოქიმიის განყოფილების გამგე, 1958–1963წწ. დირექტორის მოვალეობის შემსრულებელი; 1964–1972 წლებში დირექტორის მოადგილე სამეცნიერო დარგში,1972–2006 წლებში კი - დირექტორი. 1977 წელს მიენიჭა პროფესორის წოდება. 2009  წლიდან არის საქართველოს საპატრიარქოს ქართული უნივერსიტეტის სამაგისტრო პროგრამის ხელმძღვანელი. 9 მონოგრაფიის, 530 სამეცნიერო ნაშრომის, 75 საავტორო მოწმობისა და პატენტის, 35 ახალი სამკურნალო პრეპარატის ავტორია. 1997 წელს დაჯილდოვდა ამერიკისა ბიოგრაფიის ინსტიტუტის საერთაშორისო კოლეგიის "ოქროს ფირფიტით" და აღიარებული იქნა წლის გამორჩეულ პიროვნებად მცენარეთა ქიმიის მეცნიერების დარგში; "საქართველოს 1998 წლის საუკეთესო მედიცინის მუშაკი"-ს საპატიო ნიშნის მედლით; კემბრიჯის საერთაშორისო ბიოგრაფიული ცენტრის მედლით - XX საუკუნეში გაწეული განსაკუთრებული ღვაწლისათვის "საუკეთესო პიროვნება" (2000). ფარმაცევტულ მეცნიერებათა დოქტორი, პროფესორი.

სადოქტორო დისერტაციის თემა - "საქართველოს მცენარეთა ფიტოქიმიური შესწავლა და სამკურნალო პრეპარატები", დაიცვა 1973 წელს.

 წყარო: ქართული საბჭოთა ენციკლოპედია: ტ. 10.-თბ.,1986.-, გვ. 499; თსსუ-ის იოველ ქუთათელაძის ფარმაკოქიმიის ინსტიტუტი: new.tsmu.eduსაქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.175

ორგანიზაციის, ასოციაციის ან ჯგუფის წევრი

  • 4 საერთაშორისო სამეცნიერო ჟურნალის სარედაქციო კოლეგია, წევრი
  • რუსეთის ფედერაციის მედიკო–ტექნიკური აკადემია, ნამდვილი წევრი (2004-)
  • საქართველოს ეკოლოგიურ მეცნიერებათა აკადემია, აკადემიკოსი (1995-)
  • საქართველოს მედიკო-ბიოლოგიურ მეცნიერებათა აკადემია, აკადემიკოსი (1994-)
  • საქართველოს მეცნიერებათა აკადემია, აკადემიკოსი
  • საქართველოს მეცნიერებათა ეროვნული აკადემია, აკადემიკოსი (1993-)
  • საქართველოს სახელმწიფო პრემიების მიმნიჭებელი კომისია, წევრი (1992-2006)
  • საქართველოს სწავლულ ექსპერტთა საბჭო, წევრი
  • სსრკ მეცნიერებისა და ტექნიკის სახელმწიფო კომიტეტის სამეცნიერო–საპრობლემო საბჭო, წევრი
  • სსრკ უმაღლესი საბჭო, დეპუტატი (1984-1989)
  • სსრკ უმაღლესი საბჭოს პრეზიდიუმის ჯანდაცვისა და სოცუზრუნველყოფის კომისია, თავმჯდომარის მოადგილე
  • სსრკ ფარმაცევტთა სამეცნიერო საზოგადოების პრეზიდიუმი, წევრი
  • სსრკ–საფრანგეთის საპარლამენტო კომისია, წევრი

ჯილდოები, პრემიები და პრიზები

  • 2017 - თბილისის საპატიო მოქალაქე
  • 2010 - იოველ ქუთათელაძის სახელობის პრემია
  • 2004 - საქართველოს სახელმწიფო პრემია, საბუნებისმეტყველო მეცნიერებათა დარგში (ერთობლივი გამარჯვება)
    1960-2001 წლებში შესრულებულ შრომათა ციკლისათვის - "ბიოლოგიურად აქტიურ მცენარეულ ნივთიერებათა შესწავლა და ახალი სამკურნალო პრეპარატები"
  • 1996 - საქართველოს ღირსების ორდენი
  • 1995 - პეტრე მელიქიშვილის სახელობის პრემია
  • 1989 - ზაზა ფანასკერტელ-ციციშვილის სახელობის მედალი, საქართველოში მედიცინის განვითარებისთვის გაწეული ღვაწლისთვის
  • 1983 - საჩხერის რაიონის საპატიო მოქალაქე
  • 1982 - საქართველოს მეცნიერებათა დამსახურებული მოღვაწე
  • 1980 - შრომის წითელი დროშის ორდენი
  • 1975 - საპატიო ნიშნის ორდენი

ბიბლიოგრაფია


გააზიარე: