ირაკლი ღუდუშაური

დაბადების ადგილი: სოფელი სნო, ყაზბეგის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სპეციალობით სამრეწველო და სამოქალაქო მშენებლობა 1950 წელს; ასპირანტურა 1953 წელს (მოსკოვი).

1950 წლიდან მუშაობდა კ. ზავრიევის სახელობის სამშენებლო მექანიკისა და სეისმომედეგობის სამეცნიერო კვლევით ინსტიტუტში; 1954 წლიდან საქართველოს ჰიდროტექნიკურ ნაგებობათა და ენერგეტიკის სამეცნიერო კვლევით ინსტიტუტში; 1957–2006წწ. იყო ამავე ინსტიტუტის ენერგეტიკულ ნაგებობათა თეორიული კვლევების განყოფილების გამგე; 1957–2006წწ. საქართველოს ტექნიკური უნივერსიტეტის ლექტორი, პროფესორი; 1999-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: ბლოკი "საქართველოს აღორძინება", საარჩევნო ფორმა: პარტიული სიით. არის 4 მონოგრაფიის, 7 გამოგონებისა და 200 სამეცნიერო ნაშრომის ავტორი; ტექნიკურ მეცნიერებათა დოქტორი, პროფესორი; იყო საინჟინრო და მრავალი სხვა აკადემიის აკადემიკოსი.

სადოქტორო დისერტაციის თემა - "თაღოვანი და გუმბათობანი კაშხლების დაძაბულ–დეფორმირებული მდგომარეობის გამოკვლევისთვის ფიქტიურ ორთოტროპიულ სისტემათა შერწყმის მეთოდი", დაიცვა 1967 წელს.

წყარო: საქართველოს პარლამენტის ვებ-გვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 346

• საქართველოს მე-5 მოწვევის პარლამენტი, წევრი (1999-2004)
• საქართველოს მე-5 მოწვევის პარლამენტის განათლების, მეცნიერების, კულტურისა და სპორტის კომიტეტი, წევრი (1999-2002)
• საქართველოს მე-5 მოწვევის პარლამენტის საბუნებისმეტყველო მეცნიერებათა და ტექნოლოგიების ქვეკომიტეტი, ქვეკომიტეტის თავმჯდომარე (2002-2004)
• საქართველოს მე-5 მოწვევის პარლამენტის ფრაქცია "ერთიანი საქართველო", წევრი (1999-2003)
• საქართველოს მეცნიერებათა ეროვნული აკადემია, წევრ–კორესპონდენტი (1997-2009)

• ღირსების ორდენი

• მსოფლიოს საინჟინრო პრაქტიკაში დაკანონებულმა ცნებამ - "გამოყენებითი მექანიკა" ამოწურა თავისი ორსაუკუნოვანი დანიშნულება (ავტორი). - თბილისი, ტექნ უნ-ტი, 2004. - 215გვ.. - ISBN: 99940-14-95-1