ამირან შალიკაშვილი

დაბადების ადგილი: ქ. კოკანდი, უზბეკეთი.

დაამთავრა თბილისის კულტსაგანმანათლებლო სასწავლებლის სარეჟისორო ფაკულტეტი 1960 წელს; თბილისის სახელმწიფო თეატრალური ინსტიტუტი დრამის მსახიობის სპეციალობით 1964 წელს.

1967 წლიდან არის ქართული პროფესიონალური პანტომიმის სკოლის ფუძემდებელი; 1965–1969წწ. იყო მუსკომედიისა და 1969–1973წწ. მარჯანიშვილის სახელობის თეატრების მსახიობი; 1973–1975წწ. ფილარმონიის პანტომიმის დასის ხელმძღვანელი; 1975 წლიდან არის პანტომიმის სახელმწიფო თეატრის დირექტორი და სამხატვრო ხელმძღვანელი; თბილისის სახელმწიფო თეატრალურ ინსტიტუტში პანტომიმის განხრის დამაარსებელი (1978); 1999 წლიდან ბათუმის სახელმწიფო ხელოვნების ინსტიტუტის პანტომიმის სარეჟისორო და სამსახიობო სახელოსნოს ხელმძღვანელი. პროფესორი. არის ავტორი წიგნებისა: "პანტომიმა დუმილის პოეზიაა" (1999), "დუმილის შემდეგ" (2004), "ხილვები ფიროსმანზე"(2004), "ცრემლიანი შემოდგომა" (I, 2005; II, 2006). მიღებული აქვს პრემია "საუკეთესო რეჟისორი პლასტიკაში" (1990), პროფესორი.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.494;  წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.67

• "ევროპის მიმების" ფედერაცია, თავმჯდომარის მოადგილე (1990-)
• საქართველოს თეატრალური კავშირის გამგეობა, წევრი (1965-)

• 2013 - თბილისის საპატიო მოქალაქე
• 1999 - ღირსების ორდენი
  ქართული თეატრალური ხელოვნების განვითარებაში შეტანილი განსაკუთრებული პირადი წვლილისათვის, ნაყოფიერი პედაგოგიური და შემოქმედებითი მოღვაწეობისათვის
• 1981 - კოტე მარჯანიშვილის სახელობის პრემია
• 1978 - საქართველოს კომკავშირის პრემია

• დაკარგული ტკივილი : ლექსები (ავტორი). - თბილისი, 2012. - 164გვ.. - ISBN: 978-9941-9290-2-1
• ვარდის ცრემლით მიტირია...შენთვის, მხოლოდ შენთვის : ლექსები (ავტორი). - თბილისი, 2011. - 328გვ.. - ISBN: 978-9941-0-0844-3
• ცრემლიანი შემოდგომა : მსახიობის მონოლოგი (ავტორი) // წ. 3. - თბილისი, ეგრისი, 2010. - 262გვ.
• ხილვები ფიროსმანზე : ლექსები (ავტორი). - თბილისი, ეგრისი, 2004. - 63გვ.
• დუმილის შემდეგ... : ლექსები (ავტორი). - თბილისი, ეგრისი, 2003. - 128გვ.
• პანტომიმა-დუმილის პოეზია (ავტორი). - თბილისი, 1999. - 175გვ.