ანზორ ხელაშვილი

დაბადების ადგილი: სოფელი კარდანახი, გურჯაანის რაიონი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1962 წელს.

1962-1965წწ. თბილისის სახელმწიფო უნივერსიტეტის ფიზიკის ფაკულტეტის ასპირანტი, ქ. დუბნის ბირთვულ კვლევათა გაერთიანებული ინსტიტუტი; 1965-1969წწ.  თბილისის სახელმწიფო უნივერსიტეტის ფიზიკის ფაკულტეტის ბირთვული ფიზიკის სამეცნიერო კვლევითი ლაბორატორიის უმცროსი მეცნიერ-თანამშრომელი; 1969-1973წწ. ამავე ლაბორატორიის უფროსი მეცნიერ-თანამშრომელი; 1973-1981წწ. მაღალი ენერგიების ფიზიკის პრობლემური სამეცნიერო კვლევითი ლაბორატორიის თეორიული ფიზიკის ლაბორატორიის გამგე; 1981-1986წწ. მაღალი ენერგიების ფიზიკის სამეცნიერო კვლევითი ინსტიტუტის ველის კვანტური თეორიის ლაბორატორიის გამგე; 1986-1995წწ. თბილისის სახელმწიფო უნივერსიტეტის ფიზიკის ფაკულტეტის ზოგადი ფიზიკის კათედრის გამგე; 1993-2005წწ. თბილისის სახელმწიფო უნივერსიტეტის პრორექტორი სამეცნიერო მუშაობის დარგში; 1995-2006წწ. ამავე უნივერსიტეტის ფიზიკის ფაკულტეტის თეორიული ფიზიკის კათედრის გამგე; 2006 წლიდან არის თბილისის სახელმწიფო უნივერსიტეტის ზუსტი და საბუნებისმეტყველო მეცნიერებათა ფაკულტეტის სრული პროფესორი; 2007 წლიდან არის თბილისის სახელმწიფო უნივერსიტეტის მაღალი ენერგიების ფიზიკის ინსტიტუტის თეორიული ფიზიკის განყოფილების გამგე. 1966 წლიდან ფიზიკა-მათემატიკურ მეცნიერებათა კანდიდატი; 1983 წლიდან ფიზიკა-მათემატიკურ მეცნიერებათა დოქტორი; 1986 წლიდან პროფესორი. მეცნიერული ინტერესების სფერო: თეორიული და მათემატიკური ფიზიკა, ველის კვანტური თეორია, ელემენტარულ ნაწილაკთა ფიზიკა. 126 სამეცნიერო ნაშრომის ავტორი.

წყარო: საქართველოს მეცნიერებათა ეროვნული აკადემია: science.org.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.252

• ამერიკის შეერთებული შტატების მეცნიერებათა ნაციონალური აკადემია, წევრი (1998-)
• ამერიკის შეერთებული შტატების ფიზიკის პედაგოგთა ნაციონალური ასოციაცია, წევრი (2002-)
• საქართველოს მეცნიერებათა ეროვნული აკადემია, წევრ–კორესპონდენტი (1997-)

• 2010 - ილია ვეკუას სახელობის პრემია
• 2009 - საქართველოს ეროვნული პრემია
• 2005 - ივანე ჯავახიშვილის სახელობის მედალი
• 2002 - ფრიდრიხ ნანსენის საერთაშორისო ფონდის ოქროს მედალი
• 1998 - ღირსების ორდენი
  სტუდენტი-ახალგაზრდობის აღზრდა-განათლების საქმეში შეტანილი პირადი დიდი წვლილისა და ნაყოფიერი სამეცნიერო მოღვაწეობისათვისთვის
• 1983 - პეტრე მელიქიშვილის სახელობის პრემია

• "მომავალიც იმისია, ვინც..." : ეძღვნება აკად. ალბერტ (ალეკო) თავხელიძეს (ავტორი). - თბილისი, ნეკერი, 2012. - 146გვ.. - ISBN: 978-9941-436-43-7
• სპინის ფიზიკა-ღრმად-არადრეკადი პროცესები და პოლარიზაციული მოვლენები = Spin physics-deep inelasting processes and polarization phenomena : დამხმ. სახელმძღვ. თეორ. ფიზიკის და ელემენტ. ნაწილაკების ფიზიკის სპეც. მაგისტრატურის სტუდ. (ავტორი). - თბილისი, თბილ. უნ-ტის გამ-ბა, 2007. - 113გვ.. - ISBN: 978-99940-911-8-8
• კლასიკური თეორიული მექანიკა = Classical theoretical mechanics : ლექციების კურსი (ავტორი). - თბილისი, თბილ. უნ-ტის გამ-ბა, 2005. - 223გვ.. - ISBN: 99940-12-70-3