არჩილ ხომასურიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1965 წელს.

1968-1972წწ. მოსკოვის N10 სამშობიარო სახლის ორდინატორი; 1972-1985წწ. საკავშირო სამეანო გინეკოლოგიის სამეცნიერო კვლევითი ინსტიტუტის უმცროსი, უფროსი მეცნიერ თანამშრომელი, განყოფილების გამგე; 1998-2006წწ. ექიმთა დახელოვნების ინსტიტუტის ბაზაზე დაარსა რეპროდუქტოლოგიის კათედრა და იყო მისი ხელმძღვანელი; 1985 წლიდან არის ი. ჟორდანიას სახელობის ადამიანის რეპროდუქციის სამეცნიერო კვლევითი ინსტიტუტის გენერალური დირექტორი; 1994 წლიდან თბილისის სახელმწიფო უნივერსიტეტის მედიცინის ფაკულტეტის მეანობა-გინეკოლოგიის და რეპროდუქტოლოგიის დეპარტამენტის ხელმძღვანელი; 1996 წლიდან საერთაშორისო პროგრამების კოორდინატორი და კონსულტანტი რეპროდუქციული ჯანმრთელობის დარგში. არის 451 სამეცნიერო ნაშრომის, 6 სახელმძღვანელოს, 10 მონოგრაფიისა და 2 გამოგონების ავტორი. 2024 წლის 11 თებერვალს ჟორდანიას სახელობის ინსტიტუტის ყოფილი შენობის წინ მას ვარსკვლავი გაუხსნეს.

საკანდიდატო დისერტაციის თემა - "ჰიპოთირეოზის გავლენა შთამომავლობის ფარისებური ჯირკვლების ფუნქციაზე", დაიცვა 1969 წელს; სადოქტორო დისერტაციის თემა - "ჰორმონალური კონტრაცეპციის გავლენა ფარისებრ, თირკმელზედა, კუჭუკანა, რეპროდუქციულ, თირკმელებისა და ღვიძლის ფუნქციაზე", დაიცვა 1978 წელს.

• ნიუ–იორკის სამეცნიერო აკადემია , წევრი (1994-)
• ჟურნალი "რეპროდუქტოლოგია", დამაარსებელი და მთავარი რედაქტორი (1998-)
• რეპროდუქტოლოგთა საერთაშორისო აკადემია, წევრი (1997-)
• საერთაშორისო გეოგრაფიული საზოგადოება, წევრი (1996-)
• საქართველოს მედიკო-ბიოლოგიური აკადემია, აკადემიკოსი (1996-)
• საქართველოს რეპროდუქციული ჯანმრთელობის ასოციაცია, დამფუძნებელი და პრეზიდენტი (2002-)
• ჩიკაგოს სამეცნიერო აკადემია, წევრი (1996-)

• 2023 - თბილისის საპატიო მოქალაქე

• რეპროდუქციული ფუნქციის ნეიროენდოკრინული რეგულაცია : სახელმძღვანელო (თანაავტორი). - თბილისი, სახალხო აფთიაქი, 2008. - 194გვ.
• მამაკაცების რეპროდუქციული ჯანმრთელობის კვლევა : "მხარდაჭერა რეპროდუქციული ჯანმრთელობის სამსახურისა და ინფორმაციის გაუმჯობესებისათვის (თანაავტორი). - თბილისი, შპს "პოლიგრაფი+", 2005. - 223გვ.. - ISBN: 99940-0-805-6