ლევან თურქიაშვილი

დაბადების ადგილი: დაბა თიანეთი, თიანეთის რაიონი.

დაამთავრა თბილისის სახელმწიფო სამედიცინო ინსტიტუტის სან-ჰიგიენური ფაკულტეტი 1951 წელს.

1954–1956წწ. იყო თბილისის სახელმწიფო სამედიცინო ინსტიტუტის სოციალური ჰიგიენისა და ჯანდაცვის ორგანიზაციის კათედრის ასპირანტი; 1954–1968წწ. ასისტენტი; 1956-1968წწ. კათედრის უფროსი მასწავლებელი; კითხულობდა ლექციებს, ატარებდა პრაქტიკულ მეცადინეობებს როგორც უნივერსიტეტის სხვადასხვა ფაკულტეტებზე, ასევე კომერციულ სასწავლებლებში; 1968-2008წწ. კათედრის დოცენტი; მისი 60-მდე სამეცნიერო ნაშრომი ეხება სოციალური მედიცინის, ჰიგიენისა და ჯანდაცვის ორგანიზაციის, მედიცინის ორგანიზაციის, მედიცინის ისტორიისა და სხვა აქტუალურ საკითხებს; მისი სტატიები იბეჭდებოდა საქართველოს პერიოდულ ჟურნალ-გაზეთებში; გამოდიოდა სამეცნიერო მოხსენებებით სამეცნიერო კონფერენციებზე, რადიოთი და ტელევიზიით; წლების განმავლობაში იყო კათედრის გამგის მოადგილე სამეცნიერო მუშაობის დარგში; აქტიურად მონაწილეობდა როგორც თანაავტორი, სასწავლო და მეთოდური სახელმძღვანელოების რამდენიმე გამოცემაში; საქართველოს საზოგადოება "ცოდნის" სამედიცინო-მეთოდური საბჭოს მდივანი და ამავე საზოგადოების შტატგარეშე რეფერენტი იყო; კათედრაზე არსებული სამხედრო-პარტიული აღზრდის ჯგუფის ხელმძღვანელი; გამოცემული აქვს მონოგრაფია: "ჯანმრთელობა თითოეულისათვის და ყველასათვის" (1991). მედიცინის მეცნიერებათა კანდიდატია (1956).

საკანდიდატო დისერტაციის თემა - "ქალაქის გაერთიანებული საავადმყოფოს თერაპიული განყოფილების მუშაობის ძირითადი ხარისხობრივი მაჩვენებლები", დაიცვა 1956 წელს.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.767-769

• კათედრაზე არსებული მეთოდური კომისია, თავმჯდომარე
• ქართული მედიცინის ისტორიის რესპუბლიკურ საზოგადოებასთან არსებული პროფილაქტიკური მედიცინის კომისია, თავმჯდომარე

• ღირსების ორდენი

• ტუბერკულოზი და სანიტარული განათლება (ავტორი). - თბილისი, საბჭ. საქართველო, 1964. - 31გვ.