გივი კაციტაძე

დაამთავრა თბილისის სახელმწიფო სამედიცინო ინსტიტუტის სამკურნალო ფასკულტეტი 1958 წელს.

1964–1974წწ. იყო სამკურნალო ფაკულტეტის ჰოსპიტალური თერაპიის კათედრის კლინიკური ორდინატორი, ასპირანტი, ასისტენტი; 1976–1980წწ. თბილისის შრომის ჰიგიენისა და პროფესიულ დაავადებათა სამეცნიერო კვლევითი ინსტიტუტის ფუნქციური დიაგნოსტიკის ლაბორატორიის ხელმძღვანელი; 1980–1983წწ. თბილისის ექიმთა დახელოვნების ინსტიტუტის გადაუდებელი თერაპიის კათედრის ასისტენტი; 1983 წლიდან დოცენტია. ავტორია 68 სამეცნიერო ნაშრომის, გამოქვეყნებული აქვს ერთი მონოგრაფია; კურატორობს კატასტროფათა მედიცინის ცენტრის ტოქსიკოლოგიურ და თერაპიულ განყოფილებებს. მონაწილეობდა საერთაშორისო კონგრესების მუშაობაში ისრაელსა (1996) და და იტალიაში (1997).

საკანდიდატო დისერტაციის თემა - "ნაწლავთა ფუნქციური მდგომარეობის საკითხისათვის წყლულოვანი დაავადების დროს მკურნალობამდე და მის შემდეგ", დაიცვა 1972 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.142; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.227

• ევროპის ტოქსიკოლოგთა ასოციაცია, ნამდვილი წევრი
• ნიუ–იორკის მეცნიერებათა აკადემია, აკადემიკოსი

• 2001 - ღირსების ორდენი

• პრიორიტეტული მოქმედებები მწვავე მოწამვლისათვის : სახელმძღვ. უმაღლ. სამედ. სასწავლებლების სტუდენტებისა და ექიმებისათვის (ავტორი). - თბილისი, შპს "სვეტის" სტ., 2011. - 440გვ.
• ოპტიმალურ გადაწყვეტილებათა მიღება შინაგან დაავადებათა გადაუდებელ დიაგნოსტიკასა და თერაპიაში (ავტორი). - თბილისი, ინტელექტი, 2007. - 410გვ.. - ISBN: 99928-870-9-5