ამირან მეიფარიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სან. ჰიგიენური ფაკულტეტი 1948 წელს.

1949–1950წწ. იყო რუსთავის ჯანმრთელობის განყოფილების ექიმი–ინსპექტორი; 1951–1953წწ. ბათუმის სამხედრო 11321 ნაწილის უფროსი; 1953–1957წწ. თბილისის ვაქცინებისა და შრატების სამეცნიერო კვლევითი ინსტიტუტის უმცროსი მეცნიერ თანამშრომელი; 1957–1962წწ. ამავე ინსტიტუტის ბაქტერიოფაგის განყოფილების გამგე; 1962–1976წწ. ბაქტერიოფაგის სამეცნიერო განყოფილების გამგე; 1976–1988წწ. წარმოების დარგში ინსტიტუტის დირექტორის მოადგილე; 1988–1990წწ. გაერთიანების გენერალური დირექტორი; 1990 წლიდან ბაქტერიოფაგის სამეცნიერო განყოფილების ხელმძღვანელი. ავტორია 124 სამეცნიერო ნაშრომის და 4 გამოგონების, გამოქვეყნებული აქვს მონოგრაფიები. მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "მაღალი ტიტრის ბაქტერიოფაგების ექსპერიმენტალური მიღება და დიზენტერიული კონცენტრირებული ფაგოლიზატების იმუნოგენობის შესწავლა", დაიცვა 1963 წელს.

სადოქტორო დისერტაციის თემა - "დიზენტერიის და მუცლის ტიფის მშრალი ბაქტერიოფაგების წარმოებისა და გამოყენების თანამედროვე პრინციპები", დაიცვა 1971 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.198; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.210

• მედიცინისა და ადამიანის ეკოლოგიის მეცნიერებათა აკადემია, ნამდვილი წევრი–აკადემიკოსი
• საქართველოს პროფილაქტიკური მედიცინის მეცნიერებათა აკადემია, ვიცე–პრეზიდენტი
• საქართველოს პროფილაქტიკური მედიცინის მუშაკთა კავშირის ასოციაცია, დამფუძნებელი

• 2000 - ღირსების ორდენი

• ბაქტერიოფაგი : სახელმძღვ. (თანაავტორი). - თბილისი, 2012. - 188გვ.. - ISBN: 978-9941-0-4172-3
• ბაქტერიოფაგები ინფექციის წინააღმდეგ ბრძოლაში (ავტორი). - თბილისი, საქ. კპ ცკ-ის გამ-ბა, 1989. - 32გვ.
• ზოგიერთი ინფექციური დაავადების ბაქტერიოლოგიური დიაგნოსტიკა (ავტორი). - თბილისი, საბჭ. საქართველო, 1986. - 107გვ.