The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



ლევან მეტრეველი

ლევან მეტრეველი
დაბადების თარიღი:15 თებერვალი, 1966  (54 წლის)
კატეგორია:ექიმი, მეცნიერი, პოლიტიკოსი

ბიოგრაფია

დაბადების ადგილი: ქ. თელავი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1989 წელს.

1989–1998წწ. თბილისის სახელმწიფო სამედიცინო უნივერსიტეტის ადამიანის ნორმალური ანატომიის კათედრის ასისტენტი; 1993-1994წწ. ამავე უნივერსიტეტის საერთაშორისო ურთიერთობათა განყოფილება, წამყვანი სპეციალისტი; 1994-1994წწ. საქართველოს ჯანდაცვის სამინისტრო, წამყვანი სპეციალისტი; 1994-1997წწ. თბილისის სახელმწიფო სამედიცინო უნივერსიტეტის საერთაშორისო ურთიერთობათა განყოფილების გამგე; 1996 წელს საქართველოს პარლამენტის ჯანდაცვისა და სოციალურ საკითხთა კომიტეტის წამყვანი სპეციალისტი; ამავე წელს ემორის უნივერსიტეტის სამედიცინო სკოლა, მიწვეული პროფესორი; 1996-1997წწ. სამხრეთ ფლორიდის უნივერსიტეტის სამედიცინო კოლეჯი, მიწვეული პროფესორი; 1998-1999 თბილისის სახელმწიფო სამედიცინო უნივერსიტეტის იაპონიის ტექ. დახმარების პროექტის კოორდინატორი; 1998-2006წწ. ანატომიის კათედრის დოცენტი; 2001-2002წწ. OXFAM -ის პროექტის მენეჯერი; 2002-2004 თბილისის სახელმწიფო სამედიცინო უნივერსიტეტის ინგლისურენოვანი სამკურნალო ფაკულტეტის დეკანი; თბილისის საკრებულოს წევრი; 2008-2010წწ. რუმინეთისა და მოლდოვას რესპუბლიკებში საქართველოს საგანგებო და სრულუფლებიანი ელჩი; 2011-2012წწ. კანადაში საქართველოს საგანგებო და სრულუფლებიანი ელჩი. ავტორია 16 სამეცნიერო ნაშრომის. გავლილი აქვს საერთაშორისო სამეცნიერო პედაგოგიური სტაჟირება აშშ–ში, ინგლისში, იაპონიაში.

საკანდიდატო დისერტაციის თემა - "ჰელიუმ–ნეონის ლაზერის სხივის ზემოქმედება გულის კუნთზე და მაგისტრალურ არტერიებზე", დაიცვა 1993 წელს.

ორგანიზაციის, ასოციაციის ან ჯგუფის წევრი

  • ათეროსკლეროზის საერთაშორისო ასოციაცია, წევრი
  • ნიუ–იორკის მეცნიერებათა აკადემია, წევრი
  • საქართველოს ექიმთა ასოციაცია, გენერალური მდივანი
  • საქართველოს მე-6 მოწვევის პარლამენტი, წევრი (2004-2008)
  • საქართველოს მე-6 მოწვევის პარლამენტის ფრაქცია "ერთიანი ნაციონალური მოძრაობა-დემოკრატები", წევრი (2004-2008)
  • საქართველოს მე-6 მოწვევის პარლამენტის ჯანმრთელობის დაცვისა და სოციალურ საკითხთა კომიტეტი, წევრი (2004-2008)
  • საქართველოს საზოგადოებრივი ჯანმრთელობის ასოციაცია, პრეზიდენტი (2001-2004)
  • ფონდი ღია საზოგადოება საქართველოს საზ. ჯანდაცვის კომისია, წევრი (1998-2001)

ჯილდოები, პრემიები და პრიზები

  • 1997 - საქართველოს პრეზიდენტის სტიპენდიანტი

ბიბლიოგრაფია


გააზიარე: