ნინო სავანელი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1947 წელს.

1947–1948წწ. იყო მ. ასათიანის სახელობის სამეცნიერო კვლევითი ფსიქიატრიის ინსტიტუტის უმცროსი მეცნიერ–თანამშრომელი; 1958 წელს უფროსი მეცნიერ–თანამშრომელი; 1968 წელს სწავლული მდივანი; 1978 წელს ორგანული მეთოდური განყოფილების ხელმძღვანელი; 1979 წელს ნევროლოგიური განყოფილების მეცნიერ ხელმძღვანელი; 1979–1993წწ. ნარკოლოგიური განყოფილების სამეცნიერო ხელმძღვანელი; 1993 წელს წამყვანი მეცნიერ მუშაკი; 1998 წლიდან ინსტიტუტის საკონსულტაციო პოლიკლინიკის კონსულტანტია. ავტორია 50 სამეცნიერო ნაშრომის. გამოქვეყნებული აქვს რამდენიმე მონოგრაფია. კვალიფიკაციის ამაღლების მიზნით 1947–1948წწ. მუშაობდა ი. ბერიტაშვილის ინსტიტუტში, მოსკოვის უმაღლესი ნერვული მოქმედების ინსტიტუტში, სერბსკის ზოგადი და სასამართლო–ფსიქიატრიული ექსპერტიზის სამეცნიერო კვლევით ინსტიტუტში, მოსკოვის ფსიქოთერაპიის კურსებზე (1951; 1958; 1986), საზოგადოება "ცოდნის" ხაზით გაზეთებსა და ჟურნალებში გამოქვეყნებული აქვს სტატიები, მეთოდური რეკომენდაციები, ბროშურები.

საკანდიდატო დისერტაციის თემა - "უმაღლესი ნერვული მოქმედების შესწავლა იპოქონდრიული სინდრომების დროს", დაიცვა 1958 წელს.

სადოქტორო დისერტაციის თემა - "მეტყველებით–მოძრაობითი რეაქციების დინამიკური შესწავლა შიზოფრენიის პარანოიდული ფორმის დროს", დაიცვა 1970 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.245; facebook.com

• თბილისის სახელმწიფო სამედიცინო უნივერსიტეტის სადისერტაციო საბჭო, წევრი

• 1992 - შრომის ვეტერანის მედალი
• 1988 - მედალი "შრომითი წარჩინებისთვის"

• მოზარდთა ალკოჰოლიზმი (ავტორი). - თბილისი, განათლება, 1989. - 21გვ.
• ალკოჰოლიზმი და სპორტი (ავტორი). - თბილისი, განათლება, 1989. - 11გვ.
• ნარკოლოგია (ავტორი). - თბილისი, განათლება, 1987. - 158გვ.