ზურაბ საყვარელიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სტომატოლოგიური ფაკულტეტი 1977 წელს.

1977 წლიდან სწავლა გააგრძელა თბილისის მეცნიერებათა აკადემიის ივ. ბერიტაშვილის სახელობის ფიზიოლოგიის ინსტიტუტის ასპირანტურაში; 1991 წლიდან იყო თბილისის სახელმწიფო სამედიცინო ინსტიტუტის ორთოპედიული სტომატოლოგიის კათედრის ასისტენტი, დოცენტი, კათედრის გამგის მოვალეობის შემსრულებელი. ავტორია სამეცნიერო ნაშრომებისა, რომლებიც ძირითადად ეხება ორთოპედიის, სტომატოლოგიის და ფიზიოლოგიის პრობლემებს. თბილისის სახელმწიფო სამედიცინო უნივერსიტეტის საფანტომო ორთოპედიული სტომატოლოგიის დეპარტამენტის ხელმძღვანელი, ექიმი-სტომატოლოგი, მედიცინის მეცნიერებათა დოქტორი (1999), პროფესორი (2002).

საკანდიდატო დისერტაციის თემა - "ცენტრალური რუხი ნივთიერების ანტინოციცეპტური სისტემის ფუნქციური ორგანიზაცია",  დაიცვა 1991 წელს; სადოქტორო დისერტაციის თემა - "ტკივილის პრობლემა სტომატოლოგიაში და მისი კლინიკურ-ექსპერიმენტული ასპექტები", დაიცვა 1999 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.363; თბილისის სახელმწიფო სამედიცინო უნივერსიტეტი: tsmu.edu

• სტომატოლოგთა ასოციაციის გამგეობა, წევრი

• ორთოპედიული სტომატოლოგია : დამხმ. სახელმძღვ. (თანაავტორი). - თბილისი, 2009. - 322გვ.. - ISBN: 978-9941-0-1418-5