გრიგოლ აბაშიძე

დაბადების ადგილი: სოფელი დილიკაური, ზესტაფონის რაიონი.

სწავლობდა ქალაქ ქუთაისის კლასიკურ გიმნაზიაში.

სამწერლო ასპარეზზე XIX საუკუნის 80–იან წლებში გამოვიდა; 15 წლისა უკვე წერდა ლექსებს; მონაწილეობდა გიმნაზიაში მოსწავლეების მიერ დაარსებული ხელნაწერი ჟერნალ გაზეთების ("სხივი", "თარი", "სტვირი") გამოცემაში; გიმნაზიის დაუსრულებლად ჩააბარა გამოცდები კერძო ვექილის წოდებაზე და ვექილობას მიჰყო ხელი, მაგრამ მალე დაანება თავი; 90–იან წლებში ილია ჭავჭავაძის რეკომენდაციით მიიწვიეს "ივერიაში"; აქვეყნებდა ორიგინალ და თარგმნილ ლექსებს სხვადასხვა ფსევდონიმით; "შროშანის" ფსევდონიმით ბეჭდავდა კორესპოდენციებსა და პუბლიცისტურ წერილებს პოლიტიკასა და მიმდინარე საკითხებზე; თანამშრომლობდა აგრეთვე "ცნობის ფურცელში", "მოამბეში" და "კვალში"; აქტიურად მონაწილეობდა სხვადასხვა საზოგადოებრივ საქმიანობაში;  მონაწილეობდა თეატრალურ წარმოდგენებში, ლიტერატურულ საღამოებში; ითვლებოდა შესანიშნავ მკითხველ–დეკლამატორად; სამშობლოს უსაზვრო სიყვარული, ხალხის ერთგულება, მამულიშვილობის ღირსების შეგნება წარმართავდა მთელ მის შემოქმედებას; მის პოეზიაში დიდი ადგილი უჭირავს სიყვარულის თემას, ბუნებას; მის ლექსებზე შექმნილი პოპულარული სიმღერები შედიოდა დები იშხნელებისა და ვანო სარაჯიშვილის რეპერტუარში ("ოხ მარგალიტავ" 1896, "როდესაც გიცქერ..." 1899); თარგმნა მ. ლერმონტოვის "მწირი" 1893, ფ. კოპეს "ბუდას მერცხალი" 1900, ე. არნოლდის "მნათობი მთისა " 1900; წერდა პოემებს: "დედა" (1900), "ცრემლთა წყარო" (1901).  

წყარო: საქართველო:ენციკლოპედია: ტ.1 .-თბ., 1997.-გვ.20  ქართველ მოღვაწეთა ლექსიკონი:1801-1952: ტ.I .-თბ.,2018.-გვ.31

• ლექსები : ლირიკა და პოემები (ავტორი). - ტფილისი, ფედერაცია, 1936. - 199გვ.
• თხზულებანი გრ. აბაშიძისა (ავტორი) // ნაწ. 1 : ლექსები. ავტორის სურათით. - ქუთაისი, ქუთაისის ამხანაგობის გამოცემა N16, 1901. - 366გვ.