ლადო ავალიანი

დაბადების ადგილი: ქ. ზესტაფონი.

დაამთავრა თბილისის სამხატვრო აკადემია 1940 წელს.

1935 წელს გამოაქვეყნა პირველი მოთხრობა "დადაშ ხვიბლან", 1940 წელს – ნოველათა პირველი კრებული "ლაჰილ პირველი". 1947-1967 წლებში გამოიცა მისი ნოველების ხუთი კრებული. მწერლის თხზულებათა თემატიკა ეხება ძველი და ახალი სვანეთის ყოფას ("მუხის ჭია", "ლაჰილ პირველი", "დალის დალალები"), სამამულო ომის დღეებს ("დედის იმედი", "სიდუ"), ქართული მწერლობისა და ხელოვნების მოღვაწეთა ცხოვრებას ("ყარიბი მგოსანი", "სულოაგას ქუდი") და სხვა. ავალიანის უმნიშვნელოვანესი ნაწარმოებია "ახალი ჰორიზონტი" (1952-1969), პირველი ქართული რომანი, რომელშიც ასახულია მაღაროელთა ცხოვრება. მისი ნოველები და რომანი თარგმნილია რუსულად, რამდენიმე ნოველა - ჩეხურად, ხოლო "სულოაგას ქუდი" - ინგლისურად.

წყარო: საქართველო:ენციკლოპედია: ტ.1 – თბ., 1997. – გვ.58

• ნადირობა ნაკრძალში : რომანი, ნოველები, წერილები (ავტორი). - თბილისი, მერანი, 1997. - 184გვ.
• ნოველები (ავტორი). - თბილისი, ნაკადული, 1987. - 334გვ.
• ახალი ჰორიზონტი : რომანი (ავტორი). - თბილისი, სახელგამი, 1952. - 328გვ.
• ყარიბი მგოსანი : ნოველა (ავტორი). - თბილისი, საბლიტგამი, 1948. - 94გვ.
• ნოველები : სიდუ, კავალერი, დალის დალალელები... (ავტორი). - თბილისი, საბჭოთა მწერალი-ს გამ-ბა და სტ., 1947. - 106გვ.